Marrëveshja CEFTA - Dogana e Kosovës

OBT-së për barrierat teknike në tregti dhe marrëveshje të tjera
përkatëse ndërkombëtare para datës 31 dhjetor 2010.
5. Nëse një palë mendon që një palë tjetër ka miratuar ose është në
procesin e miratimit të një mase të re që përbën një barrierë të
panevojshme në tregti, pala e interesuar do të njoftojë Komitetin e
Përbashkët, ose një komitet të veçantë për barrierat teknike në
çështjet e tregtisë, i cili do të vendosë për veprimin që duhet
ndërmarrë.
6. Çdo çështje që do të dalë gjatë zbatimit të këtij neni do të trajtohet në
përputhje me dispozitat e nenit 42 të kësaj marrëveshjeje.
KAPITULLI V
DISPOZITA TË PËRGJITHSHME
A. — Rregulla funksionale
Neni 14
Rregullat e origjinës dhe bashkëpunimit në administrimin doganor
1. Përveç se kur parashikohet ndryshe në këtë marrëveshje, aneksi 4
përcakton rregullat e origjinës për zbatimin e dispozitave të kësaj
Marrëveshjeje dhe metodave për bashkëpunimin administrativ në
çështjet e doganave. Komiteti i Përbashkët mund të vendosë të
ndryshojë dispozitat e aneksit 4.
2. Aneksi 5 përcakton rregullat e përbashkëta për asistencën e reciproke
administrative në çështjet e doganave.
3. Palët do të marrin masat e përshtatshme, duke përfshirë shqyrtime të
rregullta nga Komiteti i Përbashkët, për të siguruar zbatimin me
efektivitet dhe të harmonizuar të anekseve 4 dhe 5 dhe të neneve
përkatës të kësaj marrëveshjeje.
4. Palët do të thjeshtojnë dhe lehtësojnë procedurat e doganore dhe
reduktojnë, me sa të jetë e mundur, formalitetet e vendosura në
tregti. Ato do të zgjidhin çdo vështirësi që lindin nga zbatimi i këtyre
dispozitave në përputhje me dispozitat e nenit 42.
Neni 15
Diskriminimi Fiskal
1. Palët nuk do të zbatojnë asnjë masë apo praktikë të një natyre të
brendshme fiskale që vendos, drejtpërdrejt ose indirekt, diskriminimin
12