Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
________________<strong>Milli</strong> Kitabxana________________<br />
qaldırıb aramla yollandı, özünü padşahın qəsrinə yetirib içəriyə izn istədi.<br />
Padşahdan xəbər qayıtdı ki, bəs qoca balıqçını mənim hüzuruma gətirin. Qoca<br />
balıqçını qızıllı-gümüşlü otaqlardan keçirə-keçirə ləl-cavahirata batan salona<br />
apardılar. Padşah öz faxir libasında o yandan bəriyə çıxıb:<br />
- Nə var, qoca - deyə qabağında balacalanıb büzüşən, müqabilində<br />
yumağa dönüb müti dayanan kişidən soruşdu.<br />
- NƏ var belə, balıqçı<br />
- Şah sağ olsun, sizə çox qəribə bir balıq gətirmişəm!<br />
- Necə çox qəribə bir balıq, qoca<br />
- Belə ki, yetmiş illik ömrümün ərzində belə gözəl, əcəb balıq<br />
görməmişəm!<br />
- Bir bari göstər görüm!<br />
Qoca, teşti padşahın müqabilində titrək əlləri üstündə tutdu.<br />
- Mən də heç belə əcəb balıq görməmişəm, qoca!<br />
- Bəli, şahım!<br />
- Bəs diləyin nədir, qoca<br />
- İltifatınızdan asılıdır, şahım!<br />
- Bəlkə iltifatım sizi qane etmədi, qoca<br />
- Bir quruş da olsa, şah əlindən qəbulumdur!,.<br />
- Yox, qoca, - deyə şah baş vəzirə tapşırdı, - özün apar, bu qocanı baş<br />
hərəmin barigahına, qoy o özü balığı qəbul edib, öz ənamını versin, çünki vardövlətim<br />
onun əlindədir, xəzinəm onun sayəsində aşıb-daşır.<br />
- Mən şəxsən sizdən iltifat diləyirdim, şahım!<br />
- Sözü çərlətmə, qoca!<br />
Baş vəzir işarə ilə qocanı lal olmağa çağırdı. Onu döndərib baş hərəmin<br />
barigahına apardı. Baş vəziri görən, ondan şahın sərəncamını eşidən xacə, baş<br />
hərəmə xəbər çatdırıb, əhvalatı bildirdi. Baş hərəmin qəzəbli qışqırtısı eşidildi:<br />
- Xacə Təbarək, gər balıq məhrəmdirsə, dişidirsə alın mənə gətirin,<br />
naməhrəm erkəkdirsə, elə qapıdan qaytar!<br />
Baş vəzir yerində dondu. Qoca qorxusundan qurudu. Ancaq, teşti<br />
dalğalandıran balıq quyruğu üstə qalxdı, şaqqa çəkib imarət dolusu güldü. Bir<br />
göz qırpımında saray əhlinə xəbər yayıldı ki, bəs balıq baş hərəmin barigahında<br />
necə şaqqa çəkib gülübdür! Olan əhvalatı gizlətməyə cürəti çatmayan, hər anda<br />
dili dartılıb boynunun kökündən çıxarıla bilən baş vəzir qoca balıqçını öz teşti ilə<br />
geriyə döndərdi, padşahın hüzuruna gətirdi, əhvalatı açıb necə ki var, elə də şaha<br />
söylədi:<br />
269
Change language