Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Create successful ePaper yourself
Turn your PDF publications into a flip-book with our unique Google optimized e-Paper software.
________________<strong>Milli</strong> Kitabxana________________<br />
GÜLƏN BALIQ<br />
Gün çıxan tərəfdə bir məmləkət vardı. Bu məmləkətin bir padşahı vardı. Bu<br />
padşah nə yerə sığırdı, nə də göyə... Dil tərpədənin dilini kəsdirir, baş qaldıranın<br />
başını vurdururdu. Əmrini yerinə yetirməyənin, bir sözünü iki eləyənin boğazına<br />
yağlı kəndir keçirtdirib, meydanlarda qurdurduğu dar ağaclarından asdırırdı. Bu<br />
padşah rəiyyətin-rəncbərin dərisini soydurur, xəzinəsini lal-cavahiratla<br />
doldururdu.<br />
Padşah öz sarayından çıxıb məmləkətin hansı vilayətinə yollansa hamı onun<br />
pişvazına çıxır, qabağında səcdəyə düşürdü. Əyilib atının dırnaqlarından<br />
öpməyənlərə divan tutdururdu. Başı zülmə qarışan padşah nə məmləkətdə<br />
əməlli-başlı bir yol çəkdirir, nə də susuz yerlərə su çıxartdırırdı. Bu padşah nə<br />
eldə-obada bir məktəb-mədrəsə açdırır, nə xəstələr üçün mərizxana dərdinə<br />
qalırdı. Padşahın yan-yörəsini bürüyən vəzir-vəkilin də işi-peşəsi ancaq, "bəli,<br />
beçeşm" demək idi. Şayəd bir gün vəzir-vəkildən birisi padşahın gözünə bir cürə,<br />
şübhəli dəysə, gecəsinə onun başı fərmanda idi. Bıına görə də padşahın vəzirvəkilini<br />
bir-birindən seçib ayırd eləmək çox müşkül bir iş idi. Baxanda bu vəzirvəkilin<br />
hamısı tutuquşu sayağı, eyni cürə, yastı-yastı danışır, eyni vaxtda yatıb<br />
eyni vaxtda dururdu... Onların hamısı bir cürə hərəkət edir, padşahın hüzurunda<br />
bir-birinə baxa-baxa bir dərəcədə ucadanmı, astadanmı gülürdülər. Bunlardan<br />
heç birisi başqa birisindən ayrılmır, nə səsini endirir, nə də qaldırırdı. Padşahın<br />
gözü vəzir-vəkilin üstünə çevrilib ağarcağın hamısı birdən sarısını udur, hamısı<br />
eyni rəngə-rufa düşürdü... Padşahı mədh etməyənlər, onun şücaətindən vəsf<br />
açmayanlar qaranlıq və rütubətli zindanlara doldurulur, burada yarıac, yarısusuz<br />
saxlanılır, sonra da göysüz-göyərtisiz quru boş səhralara sürgün edilirdi.<br />
Ancaq padşah gücünü həm içəri, həm də çöl qoşununa verir, yaraqlı-əsbablı<br />
qoşun düzəldirdi. Kefi istəyincə bu gün bu eli, qoluna qolay bu qonşusunu, sabah<br />
o eli, o biri qoluna qolay qonşusunu sıxıb-sıxışdırır, əzib-əzişdirir, torpaq dalınca<br />
torpaq tuturdu. Bu torpaqlarda da ancaq öz qayda-qanununu qoyur, sinəsinə<br />
yatan, gözü su içən adamdan vəzir-vəkil təyin edir, özü isə başda dayanır, gözəlgöyçək<br />
qızların əli ilə şavə saqqalına zəbərcəd danələri düzdürürdü. Padşah<br />
tacını hey təzədən bəzədir, bu gün bu əbasını, sabah o əbasını qızıllaşdırır, əl<br />
ağacını belə ləl-cavahiratla işlədib par-par parıldadırdı. O, düşmən saydıqlarının<br />
boynunu vurdurur, kəsik başlarına doyunca<br />
266