Seçilmiş əsərləri - Azərbaycan Milli Kitabxanası

________________Milli Kitabxana________________
"Qız idim, soltan idim, nişanlandım, xan oldum!" - deyə Sara öz
şıltaqlığından - üzməyindən qalmadı. Belə olunca Xançobanın nigaratıçılığı da,
qısqanclığı da artdı. Eyni zamanda onun sevgisi də Arpa çayından güclü olub,
aşıb-daşdı. Elə bu zaman yuxarı dağlarda ildırım dalınca ildırım çaxdı, dağların
seli selə qarışdı. Arpa çayı həddini aşıb-daşdı, dağlardan güclənə-güclənə gələn
sel Saranı alıb qaçdı... Xəbər Xançobana çatdı. O, əlindəki tütəyini Qaragölə
atıb, Saranın yadigarı güllü köynək sazı götürdü, özünü Arpaçaya çatdırdı.
Gördü ki, Arpaçayının o tay-bu tayı adamla doludu. Hətta qızın xilası üçün
özünü selə atan da olub, ancaq nə edəsən ki, sel Saranı alıb qaçıb indi adamların
dilində yalnız bu hüznlə nəğmə səslənməkdədir:
Arpa çayı aşdı, daşdı,
Sel Saranı aldı, qaçdı.
Apardı sellər Saranı,
Bir alagözlü balanı!
Xançoban Saranın sazı əlində səri-sərgərdan gəzdi, dolandı, oxuyanlara
qarışmaq istəsə də, bacarmadı. Bilmədi necə eləsin Saradan əlini üzüb geriyə,
Qaragölə dönsünmü Necə deyərlər, gedənlə getmək, ölənlə ölmək olmaz!
Xançoban dayanmadan Arpaçayı aşağı düşdü. Saranı səslədi. Arpaçaydan
"Yoxdur, Sara! Yoxdur!" - əks-səda qayıdınca, Xançoban üzünü sellərə tutdu:
- Bəs axı niyə siz Saranı aparmısınız
- Biz aparmışıq Saranı, özümüz də heç bir kəsdən gizləmirik!
- Niyə, nə üçün siz sellər belə bir allahsız iş görmüşsünüz
- Çünki sellər kükrəyəndə özlərinə qız qurbanı istəyirlər!
- Demək, Sara siz sellərə qurban gedibdir
- Bəli, Sara biz sellərin qurbanı olubdur! - Onda mən Saranı çayaşağı
axtaracağam! - Harayacan axtaracaqsan, çoban - Arpaçayı aşağı Araza qədar! -
Axı nəyə görə - Saranı tapmaq, saçlarından da olsa özümdə yadigar saxlamaq
üçün! - Bəs o saz nədir əlində - Bu saz Saranın mənə yadigandır! - Bu yadigar
ömürlük bəsindir! 259
259