Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
________________<strong>Milli</strong> Kitabxana________________<br />
qoyan Şükran kəmfürsət mozalanı yaxşıca-yaxşıca görmək, onun girəvəsini əlinə<br />
keçirib qəfildən tutmaq, vurub əzmək, təpikləri altına alıb tapdamaq, yox etmək,<br />
Ulduzu da dolaşıqdan qurtarıb qırağa qaçırmaq, tərini soyutmaq, onu<br />
tumarlamaq, belinə qızıllı-gümüşlü yəhərini qoyub, qızıllı-gümüşlü yüyəni ilə<br />
cilovlamaq, kefini açmaq, atılıb belinə minmək, ürəkləri qaralan ata-ananı da<br />
qaraltıdan qurtarmaq, onları sevindirmək, güldürmək, ürəklərini açmaq istədi.<br />
Şükran istədi ki, ürəkləri qaralan Göyalı ilə Qaratel görsünlər ki, daha mozalan<br />
yoxdur, Şükran yenə də ağçuxalı cavanların el-gün içindədir, bir tək ağçuxalı<br />
Şükran deyil, yüz ağçuxalı Şükran vardır, o da başçıdır.<br />
İndi Şükran bu qara qayanın daldasında gizlənməklə, böyürdən başını çıxarıb<br />
baxmaqla Ulduzu dəliləşdirən, Ulduzluqdan çıxaran, qəzəbləndirən, cinləndirən<br />
qara mozalanı qəflətən tutub rədd edərdisə, necə də xata-balanı sovuşdurar, necə<br />
də Ulduzun o göz-bu gözündən öpər, necə onu da, özünü də fəlakətdən,<br />
müsibətdən xilas edərdi!<br />
Lakin mozalan da mozalan görkəmində qalmırdı. O, Ulduzun gözündə ilan,<br />
əjdaha görkəmi alırdı. Şükranasa görünmürdü, gizlənirdi, uçub itirdi. Əgər o,<br />
Şükranın nəzərində də eləcə dəyişib şişib-şişib böyüsəydi, o öz göy zağlı<br />
xəncərini gümüş qınından çıxarar, həmin ilan-əjdahanı doğrayıb parçalayardı.<br />
Ancaq bu qaraltı öz fitnəkarlığı ilə Şükrana görünmürdü.<br />
Ancaq oğlan qəti fikirdə idi. Mozalan hər necə şəklə düşsə də, hansı sirrə<br />
görə gözlərinə necə bir qaraltı çöksə də, bu dəfə əl çəkdi yox idi. Şükranın canı<br />
boğazına yığılmışdı. Daha təhəmmül etmək, səbir göstərmək mümkün deyildi.<br />
Baxanda burada iki tərəf var idi. Gürələşən, şeytanlaşan, mozalanlaşan<br />
qapqara tərəf. O tərəf ki, Göyalı ilə Qaratelin ürəyinə dəhşətli qaraltılar gətirirdi.<br />
O tərəf ki, işıqlı gözlərə zülmət çökdürürdü. O tərəf ki, çürüdür tökür, çürüdüb<br />
tökdüyünə görə də öz qara qanadları ilə, qara sir-sifəti ilə qaradan qəhqəhə<br />
çəkirdi: "Mən uçurdum, mən dağıtdım, mən məhv etdim" deyirdi. Öz qara-qura<br />
şeytanlarımı başına toplayıb qara-qara çalğı çaldırıb, qara-qara oyun çıxarır,<br />
qara-qara qıvxırıq qoparırdı. Öz qara qıvxırığı ilə insan nəşəsini də qaraldırdı.<br />
Ağçuxalı Şükran bu uğursuz, dəhşətli qaralığa qarşı çıxmağı, bu qaraltını tutub<br />
boğmaq qəsdini qarşısına qoydu. Özü də ancaq indicə, bax, buradaca! Onlar<br />
indicə, bax, buradaca qarşı-qarşıya durmalıydılar. Ancaq qarşı-qarşıya! İki tərəf<br />
qarşı-qarşıya: xeyir-şər!<br />
186