Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
________________<strong>Milli</strong> Kitabxana________________<br />
- Belə olanda, hazırlaşaq, kişi! Yenə də Ziyarət dağına gedək, Göyalı.<br />
Daha tələsməyək, tez dönməyək! Tamam bir həftə Ziyarət dağında qalaq,<br />
çatdırıb ziyarət edə bilmədiyimiz övliya-ənbiyaların hamısını bircə-bircə ziyarət<br />
edək. Yenə də həmin başı göy buludlu zirvənin özünə qalxaq, əlimizi dərgaha<br />
qaldıraq, deyək: "Ulu Tanrı, sən özün qov, uzaqlaşdır bizdən bu qara-qara<br />
qaraltını, sakit et bizim tir-tir titrəyən ürəklərimizi! Özün verdiyin Şükranın<br />
başından tək bircə tük də əskik etmə! Onu zavaldan qoru, onu Ulduzun belində<br />
salamat saxla. Özün də onu tezcə bir zamanda Bəyalı oğlu Göyalı deyən Sevgili<br />
yetir! Qoy biz axıracan muradımıza çataq... İlahi, sən bizi naşükür sayma, biz<br />
indi bütün oğlan, qız nəvələrimizi özümüzə oğul, qız bilib sənə şükür edirik.<br />
Deyirik min də yox, milyon kərə şükür olsun bizim ulu Tanrımıza ki, uca Ziyarət<br />
dağından bizim səsimizi eşitdi, iltimasımızı qəbul etdi, yeddi qıza bir qardaş<br />
qismət göndərdi!<br />
Göyalı ilə Qaratel yenə də Ziyarət dağına hazırlaşır, bir-birinə ürək-dirək<br />
verir, Ulduzun belinə qalxan, düz-dünyanın qanadlana-qanadlana dolanıb<br />
qayıdan Şükranın boyunu sevir, həm Şükranı, həm də onun Ulduzunu doyunca<br />
oxşayıb öpürdülər:<br />
- Ulu Tanrı, çox-çox şükür! Ziyarət dağı, çox-çox şükür, övliya-ənbiya,<br />
sizə çox-çox şükür!.. Min-min minnət!<br />
VI<br />
Göz qoyub baxanda Şükranla onun Ulduzu arasında elə bir ülfət, elə bir<br />
görünməzin dostluq başlamışdı ki, daha çox çətin ki, bunları bir-birindən<br />
ayırmaq olardı. Görünürdü Şükran Ulduzsuz, Ulduz da Şükransız nəfəs ala<br />
bilmir, onlar bir-birindən ayrı dura bilmirlər. İnsanla insan arasında ülfət,<br />
dostluq, bir-birinə bağlılıq, sədaqət, səmimiyyət - əsil insani keyfiyyətlərdəndir.<br />
Ancaq insanla at arasında olan ülfət-dostluq da dünya üzündə yox deyildi. Ancaq<br />
bu dostluq ki, Şükranla Ulduz arasında başlamışdı, misli-bərabər nəinki<br />
Göyəndə, Qaraqoyunlu oymaqlarında, bəlkə də bütün mahalda, yaxud bütün<br />
dünyada yox idi. Sanki bu dostluq insanla Ulduz adlanan at arasında deyil, çox<br />
nəcib, əsil insanla insan arasında idi. Sanki bunlar bir-birinin dilini tamam-kamal<br />
bilir, bir-biri ilə əməlli-başla dillənib danışırdılar. Birdən də ərklə bir-birindən<br />
küsür, üstündən az ötüncə barışırdılar. Bu vaxt hər ikisinin gözləri gülür,<br />
sevincləri öz yerinə qayıdıb kefləri<br />
171