Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
________________<strong>Milli</strong> Kitabxana________________<br />
Doğrudan da Bəyalı oğlu Göyalının arayıb-axtarıb, neçə-neçə yüz qoyun<br />
verib, böyük məmnuniyyətlə aldığı ulduzlu atın misli-müqabili heç yanda yox<br />
idi. Bu at bir tamaşa idi. Baxan elə bilirdi bu at parlaq bir ulduzdur, göydən yerə<br />
düşüb... Bu atın adını Ulduz qoyub qulağına çağırdılar. Baxanda Ulduz boydan<br />
uca, ayaqlardan xırdaca, biləklərindən nazik, ancaq beldən mis kimi tökmə və<br />
möhkəm idi. Uldıızun ortası qarınlı deyil, incə idi. Yalmanı sıx, göyəm idi.<br />
Ulduzun yalı qınından sivrilən qəhrəman qılıncını andırırdı. Baxanda Ulduzun<br />
gözləri yanır, od-alov içində şölələnirdi. Ulduzun qaçarağına ox süzdürən olsa<br />
belə, çatmazdı. Ömründə Ulduzu öz qaçarağının tozu tatmazdı. Baxa bilməzdi<br />
Ulduz göylə uçur, ya yerdən uça-uça uçarağa qalxır. Ulduzun belinə gümüşlüqızıllı<br />
yəhər qoyan Şükran atın belində ay kimi yaraşıqlı, ulduz kimi tamaşalı<br />
görünürdü. Elə bil ki, bu oğlan olmazın əfsanəvi süvari, misilsiz minici idi.<br />
Ulduz qanada qalxanda oğlanın ağ qoyunun yunundan toxunan ağ çuxası da ağağ<br />
qanad açırdı. Şükranın qınından sivirib çıxardığı göy zağlı ləzgi xəncəri<br />
Ulduzun üstündə şimşək kimi oynayırdı. Şükran gündən-günə Ulduza yeni-yeni<br />
təlim keçir, ona sehrli əməllər öyrədirdi. Əvvəldən də az-çox təlim görən, uzaq<br />
Ərdəhan elində təlimlənən, indi də Göyəndə ayrıca məşq keçib təlim alan Ulduz<br />
Şükranın dilini, Şükran da Ulduzun dilini əzbərdən bilirdi. Şükran desəydi:<br />
"Ulduz, yat", Ulduz dərhal yatardı. Desəydi: "Ulduz, bu dağ-daşı bir göz<br />
qırpımında öt", Ulduz ötərdi. Şükran Ulduzun belində olsun-olmasın, Ulduz<br />
alışıb isinişdiyi minicisindən hər hansı bir əmr aldımı, dərhal yerinə yetirirdi.<br />
Şükran da Ulduzun alovlanan gozlərindən öpür, ona kişmiş yedirir, başgozünü<br />
sığallayır, lazım gəlincə öz minici libasını sadəcə mehtər libası ilə əvəz<br />
edib, onu dırnaqlarından təpəsinə qədər üfürə-üfürə tumarlayırdı. Şükran həmişə<br />
Ulduzu çeşmənin gözündə suvarırdı. Ulduz göydə sayrışan ulduzun ən parlağı<br />
kimi parlayır, parıldayırdı. Baxan deyərdi Şükranı kəhkəşanlar aləmində səltənət<br />
quran ulu Tanrı elə bu Ulduzu da veribdir Şükrana. Ulduza da Şükran kimi<br />
misilsiz- müqabilsiz süvari qismət olubdur. Baxanda bunlar bir-birinin məftunu,<br />
aludəsi, vurğunu idi. Şükranın hayqırtısı Ulduzun kişnərtisinə, Ulduzun da<br />
kişnərtisi Şükranın hayqırtısına qarışıb, Göyən düzənlərini<br />
IV<br />
162
Change language