Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
________________<strong>Milli</strong> Kitabxana________________<br />
çapmaqda birinci və baş çıxdı. Şükrana baxanlar dedilər ki, bu oğlan Ziyarət<br />
dağının üstündə dayanan ulu Tanrının kəramətinin gələn vaxtına düşübdür. Ulu<br />
Tanrı bu uşaqdan öz kəramətini zərrəcə də əsirgəməyibdir. Baxanda bu oğlan<br />
qaşdan qara, gözdən köşək, kirpiklərdən sıx, alından enli idi. Bədəni, duruşu,<br />
vücudu mütənasib idi. Bu oğlan nə uzundu, nə də gödək. Elə bil ki, bu oğlanın<br />
bütün əzası qüdrətin fırçasıyla işlənmişdi. Hamı Şükrana heyran idi. O,<br />
mədrəsədə oxumaqda, bilik kəsb etməkdə birinci idi. Elə bil ki, qədimlərdən<br />
gələn ağqoyunlulara Allah-taala özü belə bir başbilən, sabah düşmənlərlə döşləşə<br />
bilən bir igid oğlan göndərmişdi. Görən deyirdi, bu qismət nəinki bir tək Bəyalı<br />
oğlu Göyalıya, bütün ağqoyunlulara bəsdir. Ağ-qoyunlular fəxr edə bilərdilər ki,<br />
onların elindən, Göylər oymağında belə bir oğlan əmələ gəlibdir. Deyirdilər<br />
görün hələ sabahına bu necə bir oğlan olacaqdır. Göyalı elə bilirdi ki, ulu Tanrı<br />
onun başına elə bir şahanə tac qoyubdur ki, daş-qaşının şöləsi aləmə işıq salır.<br />
Əzizlənən Şükran özünü itirib ucuzlanmırdı. Göyalı öyünürdü, oğlu Şükrana<br />
görə qanadlanırdı, ailə yeddilər üstündə tapılan qardaşla fəxr edirdi, Ziyarət<br />
dağını unutmurdu. Hər il toplanıb Ziyarət dağına gedirdilər, övliyaların izi<br />
tapılmayan daş məqbərələrini ziyarət edirdilər. Hətta adi qara, çopur daşları da<br />
belə öpürdülər. Onlar gətirdikləri qurbanlıqlardan axışıb oraya gələn fağırfüqəraya<br />
bəsdi deyincə pay paylayır, açdıqları süfrələrə Ziyarət dağının ildən-ilə<br />
çoxalan zəvvarlarından çağırırdılar.<br />
- Yeyin-için, qardaşlar, bacılar, - deyə Göyalı da, Qaratel də öz qonaqlarına<br />
hörmət edib xoş sifət göstərirdilər. Onlar da yeyirdilər, içirdilər, Şükranı verən<br />
qüdrətə şükür edirdilər. Şükran da boy atır, daha on yeddi yaşına çatırdı.<br />
Bəs Göyalı öz sevimli oğlu Şükran üçün daha nə edə bilərdi Nə edə bilərdi<br />
ki, atanın ürəyincə olsun, öz-özündən razı qalsın Ağ papaqlı, ağ şal çuxalı,<br />
qırmızı məstili, qızıl toqqalı, bığ yeri təzəcə tərləyən Şükran üçün məxsusi bir at<br />
gərək idi, elə bir at ki, nəinki Göyən obalarında, ağqoyunlu tayfalarında, hətta<br />
Arazın o tayı Qaradağda, bu biri tayı Qarabağda əldə çıraq gəzilsə belə<br />
tapılmasın, bu bərabərlikdə bir at olmasın. Bu at yelqanadlı olsun, küləkləri yarıb<br />
içindən çıxsın, özünü də Şükranı da sağ-salamat çıxarsın. Əgər yağı düşmən<br />
Şükranın üstünə düşsə, bu at onu mühasirədən çıxarsın, oxlardan, nizələrdən<br />
xilas etsin, Şükrana heç bir zaval toxunmasın.<br />
159