Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Seçilmiş əsərləri - Azərbaycan Milli Kitabxanası
Create successful ePaper yourself
Turn your PDF publications into a flip-book with our unique Google optimized e-Paper software.
________________<strong>Milli</strong> Kitabxana________________<br />
1<br />
Balaş Azəroğluna və<br />
Mədinə xanım Gülgünə<br />
ithaf olunur<br />
Ərdəha xanı Məmalikin yaşı yetmişə çatmışdı. Yeganə qızı Ərmağanı ərə<br />
verəndən, əzazil xanımı Sərəncamı xanlıq sərdabəsində dəfn edəndən sonra tənha<br />
qalmışdı. Son vaxtlar xanın gözü Pəhləvan Məmmədin yetim qızı Məhtabana<br />
düşmüşdü. Qoca xan daima girəvədə durur, Məhtabanı ələ keçirmək üçün fürsət<br />
axtarırdı.<br />
Xan bir gün qonum-qonşusunun palaz-paltarını çayda yumağa aparan<br />
Məhtabanı gördü. O, axşamüstü kəsmə cığırla çayın qırağına endi... Günəş<br />
batdı... Ay ulduzlar arasında göründü... Xan ətrafı dinlədi...<br />
Məhtaban yan-yörəsinə göz gəzdirdi. O, zığ-zımrığa bulanmış cır-cındasını<br />
tez-tələsik əynindən çıxarıb daşlara çırpa-çırpa yudu, sıxıb açdı, iydə kollarının<br />
üstünə sərdi. Sonra dönüb uşaqların irili-xırdalı daş, qaya ilə çayın qabağını<br />
kəsib düzəltdikləri ağ köpüklü gölə düşdü. Qız əzəlcə yaxşıca yuyundu, qayıdıb<br />
üzü üstə üzməyə başladı. Özünü iydə kollarının arasına verib marıqda duran qoca<br />
xanın ağ bığları tir-tir titrəyirdi. Sanki ayın bir parçası qopub gölə düşmüşdü...<br />
Qoca xan dikəlib göldə üzən qızı həris nəzərlə süzdü:<br />
- "Xudaya, nə xilqətdir!.."<br />
Xan öz qocalığını unudub bir konüldən min könülə Pəhləvan Məhəmmədin<br />
yetim qızı Məhtabana vuruldu, gününə tək bircə gün də qalsa onu özünə gəlin<br />
edəcəyinə söz verdi:<br />
- "İlahi, bu nə xilqətdir!.. - Xan təkrar etdi... - Əgər bu qız yamaqlı<br />
cır-cındır içindən, bozarmış çadradan çıxıb, barigahda xanımın köhnələrindən<br />
geyinsə, gör onda nə qiyamət olar!".<br />
Bəli, onda xan hansı möcüzə ilə isə cavanlaşar, ömrü-günü təzədən başlar. Bu<br />
nazlı sənəmlə gün keçirmək onda gör neçə-neçə Ərdəha xanlığına dəyər!<br />
Xan boğazını asta-asta arıtladı. Məhtaban insan hənirtisini aldı. O, tez göldən<br />
çıxıb iydə kollarından cır-cındasını götürdü, yaş-yaş əyninə aldı, büküb kənarda<br />
sərdiyi yamaqlı çadrasını da başına saldı. Xanın gözündən gözəlliyini gizlədi.<br />
15
Change language