Matematika 2 - Media Print

Nxënësit që i punojnë ato në tabelë, u përgjigjen me gojë pyetjeve të ushtrimit 6.
Klasa korrigjon veprimet e shokut ose përgjigjet e tij.
Detyrë shtëpie:
Si detyrë mund të jepet:
Mësimi 12.4, fq. 51, nëse nuk është punuar në klasë.
Jepen për t’u punuar në fletore Ushtrimi 5 në tekst si dhe ushtrimet 3 e 4 në F.P, sipas
nivelit të nxënësve.
Punë e pavarur
Ushtrime në Fletë Pune, faqe 53
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë shumën në mbledhjet shkurt të një numri dyshifror me një numër
njëshifror të gatshëm, për të gjetur deri në 100, pa kaluar dhjetën.
Të vendosë shumën në mbledhjet shkurt të katër mbledhorëve, duke plotësuar
disa dhjetëshe të plota.
Të vendosë ndryshesën në zbritjet shkurt të një numri njëshifror nga një numër
dyshifror, me dhjetëshe të plota, duke prishur dhjetën.
Niveli i mesëm
Të lidhë (qarkojë) njëshet në të dy mbledhorët, për të njehsuar shumën e një
numri dyshifror me një numër njëshifror, pa kaluar 10-n, në rresht dhe në
shtyllë, shkurt e gjatë.
Të lidhë (qarkojë) mbledhorët për të plotësuar disa dhjetëshe të plota në
mbledhjet shkurt të jo më shumë se katër mbledhorëve.
Të zbërthejë zbritësin si shumë dy mbledhorësh, për të gjetur ndryshesën e një numri
njëshifror nga një numër dyshifror, me dhjetëshe të plota, duke prishur dhjetën.
Niveli i lartë
Të shpjegojë me gojë veprimet për të njehsuar shkurt shumën e një numri
dyshifror, me një numër njëshifror, pa kaluar 10-n, në rresht dhe në shtyllë.
Të shpjegojë me gojë veprimet për të njehsuar shkurt mbledhjen e katër
mbledhorëve, duke plotësuar disa dhjetëshe të plota.
Të shpjegojë me gojë veprimet për të njehsuar ndryshesën në zbritjen e një numri
njëshifror, nga një numër dyshifror, me dhjetëshe të plota, duke prishur dhjetën.
KONCEPTET KRYESORE: veprim, mjete, mbledhje, shumë, zbërthim, operatorë.
90