Matematika 2 - Media Print

Punohet në mënyrë të pavarur teksti (Ushtrimet 2-4).
Më pas nxënësit diskutojnë në dyshe veprimet.
Nxënës të ndryshëm zgjidhin me radhë ushtrimet në tabelë (ose disa prej tyre).
Një vëmendje të veçantë i duhet kushtuar punimit me nxënësit të ushtrimit 4 në tekst,
pasi është baza për zbritjen në shtyllë.
Mësuesja i nxit që ata të shpjegojnë me gojë veprimet që bëjnë.
Punohet mësimi në mënyrë të pavarur 12.3, fq.5 (nëse ka kohë). Në të kundërt ajo jepet
si detyrë shtëpie te F.P
Kontroll individual e vlerësim i punës.
3-REFLEKTIMI: Problem i ri
Punohet në fletore ushtrimi 4 në tekst me kërkesën: Paraqit si barazime veprimet me
operatorë.
Kontroll individual e vlerësim i punës së disa nxënësve. Klasa korrigjon veprimet e
shokut ose përgjigjet e tij.
Detyrë shtëpie:
Si detyrë mund të jepet mësimi 12.3, fq. 51, nëse nuk është punuar në klasë.
Ushtrimi 5 në tekst si dhe ushtrimet 2 e 4 në F.P, sipas nivelit të nxënësve.
MËSIMI 12.4
Mbledhja gjatë dhe shkurt
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë shumën në mbledhjet shkurt të një numri dyshifror me një numër
njëshifror, për të gjetur deri në 100 pa kaluar dhjetën.
Niveli mesatar:
Të lidhë (qarkojë) njëshet në të dy mbledhorët, për të njehsuar shumën e një
numri dyshifror me një numër njëshifror, pa kaluar 10-n, në rresht dhe në
shtyllë, shkurt e gjatë.
Niveli i lartë:
Të shpjegojë me gojë veprimet për të njehsuar shkurt shumën e një numri
dyshifror me një numër njëshifror, pa kaluar 10-n , në rresht dhe në shtyllë.
Të vendosë ndryshesën në zbritjet shkurt të një numri njëshifror nga një numër
dyshifror, me dhjetëshe të plota, duke prishur dhjetën.
88