Matematika 2 - Media Print

3-REFLEKTIMI: Problem i ri
Punohet në fletore ushtrimi 4 në tekst me kërkesën: Paraqit si barazime veprimet me
operatorë.
Kontroll individual e vlerësim i punës së disa nxënësve.
Klasa korrigjon veprimet e shokut ose përgjigjet e tij.
Detyrë shtëpie:
Si detyrë mund të jepet ushtrimi 5 në tekst si dhe ushtrimet 2 dhe 3 në F.P.
MËSIMI 12.3
Zbritja e numrave njëshifrorë nga dhjetëshet e plota
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë ndryshesën në zbritjet shkurt të një numri njëshifror nga një numër
dyshifror me dhjetëshe të plota, duke prishur dhjetën.
Niveli mesatar:
Të zbërthejë zbritësin si shumë dy mbledhorësh, për të gjetur ndryshesën e një numri
njëshifror nga një numër dyshifror me dhjetëshe të plota, duke prishur dhjetën.
Niveli i lartë:
Të shpjegojë me gojë veprimet për të njehsuar ndryshesën në zbritjen e një numri
njëshifror nga një numër dyshifrorë me dhjetëshe të plota duke prishur dhjetën.
KONCEPTET KRYESORE: veprim, mjete,mbledhje, shumë, zbërthim, operatorë.
Zhvillimi i mësimit
1-EVOKIMI: Shkrim i lirë
Shkruani sa më shumë barazime me zbritje brenda numrit 10.
Nxënësit shkruajnë për 4-5 minuta.
Lexohen ushtrimet me zë nga nxënës të ndryshëm.
2-REALIZIMI I KUPTIMIT: Shpjegim dhe Mësimdhënie e ndërsjellë.
Hapet teksti. Njihen nxënësit me temën.
Plotësohet Ushtrimi 1dhe lexohen barazimet nga nxënësit.
U tërhiqet vëmendja nxënësve tek figura. Diskutojnë në dyshe. Pas 5 minutash u
kërkohet të përshkruajnë me hollësi çfarë shikojnë në të.
Më pas mësuesja (ose një nxënës i ndihmuar prej saj) zgjidh veprimet duke shpjeguar
ato me gojë dhe duke i demonstruar me shufra dhe kube.
87