Matematika 2 - Media Print

MËSIMI 12.2
Mbledhja e disa mbledhorëve me disa dhjetëshe të plota
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë shumën në mbledhjet shkurt të katër mbledhorëve duke plotësuar
disa dhjetëshe të plota.
Niveli mesatar:
Të lidhë (qarkojë) mbledhorët për të plotësuar disa dhjetëshe të plota në
mbledhjet shkurt, të jo më shumë se katër mbledhorëve.
Niveli i lartë:
Të shpjegojë me gojë veprimet për të njehsuar shkurt mbledhjen e katër
mbledhorëve, duke plotësuar disa dhjetëshe të plota.
KONCEPTET KRYESORE: veprim, mjete, mbledhje, shumë, zbërthim, operatorë.
Zhvillimi i mësimit
1-EVOKIMI: Shkrim i lirë
Shkruani sa më shumë barazime me mbledhje për numri 10.
U tërhiqet vëmendja nxënësve që të kujtojnë zbërthimin e tij.
Lihen nxënësi që të shkruajnë për 4-5 min.
Lexohen ushtrimet me zë nga nxënës të ndryshëm.
2-REALIZIMI I KUPTIMIT: Shpjegim dhe Mësimdhënie e ndërsjellë.
Hapet teksti. Njihen nxënësit me temën.
Plotësohet Ushtrimi 1dhe lexohen barazimet nga nxënësit.
U tërhiqet vëmendja nxënësve tek figura. Lihen ata që ta diskutojnë në dyshe. Pas 5
minutash u kërkohet që të përshkruajnë me hollësi çfarë shikojnë në të.
Më pas mësuesja (ose një nxënës i ndihmuar prej saj) zgjidh veprimet duke i shpjeguar
ato me gojë.
Punohet në mënyrë të pavarur teksti (Ushtrimet 2-4)
Më pas nxënësit diskutojnë në dyshe veprimet.
Nxënës të ndryshëm zgjidhin me radhë ushtrimet në tabelë (ose disa prej tyre).
Një vëmendje të veçantë i duhet kushtuar punimit me nxënësit ushtrimeve 4-5 në tekst.
Mësuesja i nxit që ata të shpjegojnë me gojë veprimet që bëjnë.
Punohet mësimi 12.2 te F.P, fq.51, në mënyrë të pavarur.
Kontroll individual e vlerësim i punës.
86