Matematika 2 - Media Print

3- REFLEKTIMI
Për të kontrolluar njohuritë e marra mësuesja mund të përdorë forma të larmishme: mund
të paraqiten situata problemore të cilat zgjidhen në tabelë ose me dyshe nxënësish. E
rëndësishme është që gjithçka të jetë argëtuese dhe jo e lodhshme për nxënësit.
Detyrë shtëpie:
Jepen ushtrimet e fletës së punës të cilat duhet të diskutohen të nesërmen në klasë,
sidomos ushtrimi 1.
MËSIMI 9.2; 9.3
Ora. Ora dhe veprimi
OBJEKTIVAT: Në fund të orës së mësimit nxënësi duhet të jetë i aftë:
Të lexojë orën.
Të identifikojë paraqitjen e orës si thyesë.
Të kryejë veprime me minuta dhe orë në situata të jetës së përditshme.
KONCEPTET KRYESORE: matja e kohës, ora, minuta.
Zhvillimi i mësimit
1- EVOKIMI
Mësimi fillon me një veprimtari praktike për njohuritë e fëmijëve mbi kohën e matjen e
saj; mjetin e matjes së kohës, mënyrën e leximit të orës. Me anë të orëve të ndryshme
të sjella në klasë, do të bëhet rikujtimi i njohurive të fëmijëve ose dhënia e njohurive të
reja atje ku ato mungojnë. Orët me akrepa do të shërbejnë për kuptimin e matjes së
kohës dhe mënyrën e leximit të orës dhe minutave. Gjithashtu do të lidhen njohuritë e
nxënësve me orën dhe thyesat.
2- REALIZIMI I KUPTIMIT
Puna me tekstin mbështetet në të njëjtat veprimtari të zhvilluara gjatë evokimit.
Mësuesja mund të drejtojë vëmendjen e nxënësve drejt një të menduari aktiv dhe kritik
në drejtim të një orari ditor si dhe të një qëndrimi të shëndetshëm para televizorit ose
në veprimtari sportive.
3- REFLEKTIMI
Në këtë moment duhet të punohen ushtrime praktike për leximin e orës dhe llogaritje
me mend të kohës së kaluar nga një veprimtari në tjetrën, sigurisht me shembuj të
thjeshtë e praktikë.
Detyrë shtëpie:
Jepen ushtrime për matjen e kohës ose paraqitja e veprimtarive ditore të nxënësve, të
cilat mund të shfrytëzohen nga mësuesja për të bërë një lidhje më të plotë të jetës së
fëmijës jashtë shkollës e për të korrigjuar të metat në veprimtari që mungojnë.
72