Matematika 2 - Media Print

Niveli mesatar:
Të dallojë fjalën kyçe që tregon veprimin e zbritjes ose atë të mbledhjes në
tekstin e problemës.
Niveli i lartë:
Të shpjegojë me gojën veprimet për zgjidhjen e problemës me mbledhje ose
zbritje brenda 20-s.
KONCEPTET KRYESORE: veprim, mjete, mbledhje, zbritje, zbërthim.
Zhvillimi i mësimit
1-EVOKIMI: Stuhi mendimesh
Sa bëjnë
Ushtrime gojore me mbledhje dhe zbritje brenda 10-s dhe 20-s dhe shkrim i
barazimeve në dërrasë ose në fletore.
2-REALIZIMI I KUPTIMIT: Shpjegim dhe Mësimdhënie e ndërsjellë.
Hapet teksti. Njihen nxënësit me temën.
Ushtrimi 1 lihet për t’u plotësuar në fund për efekt kohe.
U tërhiqet vëmendja nxënësve te problemat. U shpjegohet atyre se si do të veprojnë.
Secili do të zgjidhë problemën vet e më pas do ta diskutojë atë me shokun e bankës.
Më pas një nxënës i ndihmuar prej mësueses dhe klasës zgjidh problemën në dërrasë.
Gjatë punës u kërkohet nxënësve që të qarkojnë fjalën kyçe që tregon veprimin që
duhet të bëjnë për të zgjidhur problemën.
Kjo ecuri ndiqet edhe për dy problemat e tjera. Klasa korrigjon shokun ose vetveten.
Punohet F.P, 7.6, në mënyrë të pavarur.
Kontroll individual e vlerësim i punës.
3-REFLEKTIMI: Lojë
Mund të realizohet loja e ushtrimit 1 në tekst.
Vizato rrathët në dërrasë. Klasa gjuan në drejtim të tyre me shkumësa me ngjyrë.
Pas gjuajtjes nxënësit shkruajnë barazimin për rezultatin e tyre në gjuajtje. Klasa i
korrigjon ato.
Këtë lojë mund ta vazhdoni gjatë Orëve të Lira 2/3.
Detyrë shtëpie:
Mund të jepet Ushtrimi 2, fq.43 te F.P, mësimi 7.6, me kërkesën: Vizato. Shkruaj në
fletore barazimet në rresht dhe në shtyllë ose problemën.
70