Matematika 2 - Media Print

Lexohen barazimet nga nxënësit. Ndonjë nxënës i shkruan ato në dërrasë.
Detyrë shtëpie: Mund të jepen Ushtrimet 5, 6 faqe 50 në tekst.
MËSIMI 7.3
Simetria
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë një drejtëz simetrie në figurat e thjeshta.
Ose
Të emërtojë vijën e palosjes që e ndan figurën në dy pjesë të barabarta, që
puthiten, si drejtëz simetrie.
Niveli mesatar:
Të dallojë (ose vizatojë)drejtëzën e simetrisë në figurat e thjeshta që i jepen
Niveli i lartë:
Të ndërtojë figurën simetrike në lidhje me një drejtën që i jepet.
KONCEPTET KRYESORE: vija e palosjes, drejtëza e simetrisë, figure simetrike.
Zhvillimi i mësimit
1-EVOKIMI: Problem i ri
Hapet teksti. Njihen nxënësit me temën.
Plotësohet Ushtrimi 1 dhe lexohen emrat e figurave nga nxënësit. (Mund t’i nxitni
nxënësit që të krijojnë për to fjali).
2-REALIZIMI I KUPTIMIT: Shpjegim dhe Mësimdhënie e ndërsjellë.
U tërhiqet vëmendja nxënësve tek figura. Diskutojnë në dyshe. Pas 5 minutash u
kërkohet që të përshkruajnë me hollësi çfarë shikojnë në të.
Më pas mësuesja me nxënësit njëkohësisht, krijojnë figura simetrike duke zbatuar hap
pas hapi udhëzimet e tekstit. Në çdo çast ajo udhëzon, orienton e ndihmon, duke u
tërhequr vëmendjen tek drejtëza e simetrisë dhe duke u shpjeguar pse dy pjesët e figure
janë simetrike. (Sepse drejtëza e ndan atë në dy pjesë të barabarta të cilat puthiten nëse
bëjmë palosje sipas kësaj vije.)
Punohet në mënyrë të pavarur teksti. Kontroll individual dhe vlerësimi i tyre.
65