Matematika 2 - Media Print

MËSIMI 7.2
Zbrit duke prishur 10-n
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë në barazimet gjysmë të gatshme ndryshesën, i ndihmuar nga figura
që i jepet. (U.1 f.q.50 në tekst).
Niveli mesatar:
Të përdorë zbërthimin si shumë dy mbledhorësh të njërit mbledhor (zbritësit)
për të gjetur ndryshesën e dy numrave brenda 20-s, sipas modelit që i jepet.
Niveli i lartë:
Të shpjegojë me gojë veprimet për zbritjen e dy numrave brenda 20-s, duke
zbërthyer si shumë dy mbledhorësh, njërin mbledhor (zbritësin).
KONCEPTET KRYESORE: veprim, mjete, mbledhje, zbritje, zbërthim.
Zhvillimi i mësimit
1-EVOKIMI: Stuhi mendimesh
Si zbërthehen si shumë numrat 8,7,6,9,4
Nxënësi thonë me gojë barazimet. Mësuesja ose ata vetë i shkruajnë në dërrasë.
Ndërkohë që klasa i paraqet ato në bankë me gishta. Barazimet shkruhen në dërrasë
nga mësuesja ose nga nxënësit.
2-REALIZIMI I KUPTIMIT: Shpjegim dhe Mësimdhënie e ndërsjellë.
Hapet teksti. Njihen nxënësit me temën.
Plotësohet U.1 dhe lexohen barazimet nga nxënësit.
U tërhiqet vëmendja nxënësve tek figura. Diskutojnë në dyshe. Pas 5 minutash u
kërkohet të përshkruajnë me hollësi çfarë shikojnë në të.
Më pas mësuesja ose një nxënës i ndihmuar prej saj zgjidh veprimet i duke shpjeguar
ato me gojë.
Punohet në mënyrë të pavarur teksti.
Më pas nxënësit diskutojnë në dyshe veprimet e tekstit.
Nxënës të ndryshëm zgjidhin me radhë ushtrimet në dërrasë. Mësuesja i nxit që ata të
shpjegojnë me gojë veprimet që bëjnë.
Punohet në mënyrë të pavarur në F.P. 7.2, Ushtrimi 1,2,3, faqe 40.
Kontroll individual e vlerësim i punës.
3-REFLEKTIMI: Problem i ri
Punohet në mënyrë të pavarur F.P 7.2, Ushtrimi 4.
Diskutohen zgjidhjet me klasën.
64