Matematika 2 - Media Print

Vini re!
Pas këtij mësimi në F.P fq.34 ndodhet një punë e pavarur e cila duhet të punohet
pas mësimit 6.9 (Shiko planin).
MËSIMI 6.8
Gjej afërsisht, saktë. Mbledhja e përsëritur
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje :
Niveli i ulët:
Të riprodhojë me shkrim mbledhjen me shumë mbledhorë duke plotësuar 10-n
për shuma deri në 20.
Të përsërisë veprimet për matjen me vizore të segmentit që i jepet.
Niveli mesatar:
Të njehsojë mbledhjen me shumë mbledhorë për shuma deri në 20, duke
plotësuar 10-n sipas një modeli që i jepet.
Të masë me vizore pa gabime gjatësinë e segmentit që i jepet.
Niveli i lartë:
Të shpjegojë me gojë veprimet për mbledhjen me shumë mbledhorë, për
shuma deri në 20, duke plotësuar 10-n sipas një modeli që i jepet.
Të krahasojë gjatësitë e segmenteve që i jepen.
KONCEPTET KRYESORE: veprim, mjete, mbledhje, zbritje, zbërthim.
Zhvillimi i mësimit
1-EVOKIMI: Problem i ri
Ushtrime me gojë dhe me mjete për mbledhje brenda 10-s. Mësuesja pyet me gojë nxënësit.
10 + 0 = 10 9 + 1 = 10 8 + 2 =10…etj
Shkrim i barazimeve në dërrasë.
2-REALIZIMI I KUPTIMIT: Shpjegim dhe Mësimdhënie e ndërsjelltë.
Njihen nxënësit me temën.
U tërhiqet vëmendja nxënësve tek figura. Diskutojnë në dyshe. Pas 5 minutash u
kërkohet që të përshkruajnë me hollësi çfarë shikojnë në të.
Më pas mësuesja ose një nxënës i ndihmuar prej saj, zgjidh veprimet i duke e
demonstruar me mjete dhe duke i shpjeguar ato me gojë. U kujtohet nxënësve si
veprojmë për të matur gjatësinë e një segmenti.
Punohet në mënyrë të pavarur teksti.
56