Matematika 2 - Media Print

MËSIMI 6.1
Mblidh deri në 20 pa kaluar dhjetën
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje :
Niveli i ulët:
Të vendosë mbledhorët në barazimin gjysmë të gatshëm, për të gjetur shumat
deri në 20 pa kaluar dhjetën, duke u mbështetur tek figura ose mjetet.
Niveli mesatar:
Të zbërthejë si shumë njërin mbledhor për të gjetur shumat deri në 20 pa
kaluar dhjetën.
Niveli i lartë:
Të shpjegojë me gojë veprimet për mbledhjen deri në 20, pa kaluar dhjetën,
duke zbërthyer si shumë njërin mbledhor.
KONCEPTET KRYESORE: veprim, mjete, mbledhje, zbritje, zbërthim.
Zhvillimi i mësimit
1-EVOKIMI: Stuhi mendimesh
Ushtrime me gojë për mbledhjet brenda 10-s (Mund t’i nxitësh që veprimet t’i
paraqesin edhe me gishta ose me mjete të tjera. Klasa kryen të njëjtat veprime dhe
korrigjojnë shokun, nëse nevojitet.
Barazimet shkruhen në dërrasë nga mësuesja ose nga nxënësit.
2-REALIZIMI I KUPTIMIT: Shpjegim dhe mësimdhënie e ndërsjellë.
Hapet teksti. Njihen nxënësit me temën.
Plotësohet U.1 dhe lexohen barazimet nga nxënësit.
U tërhiqet vëmendja nxënësve tek figura. Lihen ata që ta diskutojnë në dyshe. Pas 5-7
min u kërkohet që të përshkruajnë me hollësi çfarë shikojnë në të.
Më pas mësuesja (ose një nxënës i ndihmuar prej saj) zgjidh veprimet i duke shpjeguar
ato me gojë.
Punohet teksti në mënyrë të pavarur.
Më pas nxënësit diskutojnë në dyshe veprimet.
Nxënës të ndryshëm zgjidhin me radhë ushtrimet në dërrasë (ose disa prej tyre).
Mësuesja i nxit që ata të shpjegojnë me gojë veprimet që bëjnë.
Punohet F.P 6.1 në mënyrë të pavarur.
Kujdes!!
Nxënësit duhet të shtojnë ose të heqin rrethorë tek ushtrimet e F.P.
Kontroll individual e vlerësim i punës.
46