Matematika 2 - Media Print

3- REFLEKTIMI
Në këtë moment mësuesja kërkon nga nxënësit të vizatojnë sipas kërkesës së saj: vija
të drejta, vija të lakuara, drejtëza, gjysmëdrejtëza apo segmente me përdorimin e
vizores.
Nga objektet në klasë mund të veçohen ato që kanë vija të drejta (libra, fletore, lapsa
etj.), si dhe ato që kanë vija të lakuara (topa, goma dhe mjete të tjera, që mund të kenë
sjellë mësuesja apo nxënësit).
Detyrë shtëpie:
Mund të jepet ndërtimi i llojeve të ndryshme të vijave, në të cilën përsëriten jo vetëm
konceptet e marra në këtë mësim, por edhe konceptet më shumë, më pak, të
ndërthurura me vizatimin e vijave të drejta apo të lakuara.
VEPRIMTARI PRAKTIKE
Në fillim të këtij mësimi (4.8) do të zhvillohet një veprimtari praktike, që ka lidhje me
krahasimin e gjatësive dhe parapërgatit klasën për realizimin e objektivave të mësimit.
I gjithë aktiviteti praktik i klasës do të përfshijë të gjithë nxënësit dhe do të mbështetet në:
Mënyrën e saktë të krahasimit.
Vendosjen pranë të dy objekteve për krahasim.
Përdorimin e saktë të fjalorit nga nxënësit (i gjatë/i shkurtër).
Dallimin e karakteristikës cilësore dhe përdorimin sidomos të termave
krahasues: më i gjatë/më i shkurtër.
Më i shkurtër/më i gjatë
Më i shkurtër/më i gjatë
39