Matematika 2 - Media Print

MËSIMI 3.11, 3.12
Mëso relacionin “më shumë se” “më pak se”. Zbato në problema
OBJEKTIVAT: Në fund të orës së mësimit nxënësi duhet të jetë i aftë:
Të kuptojë të dhënat e problemës.
Të plotësojë të dhënat sipas kërkesave.
Të zgjidhë problemat duke shpjeguar mënyrën e zgjidhjes së tyre.
KONCEPTET KRYESORE: më shumë se, më pak se.
Zhvillimi i mësimit
1- EVOKIMI
Do të rikujtohen shprehjet “më shumë se”, “më pak se”, “aq sa”, duke dhënë shembuj
me rrethorë në tabelë. Mund të përdoren edhe shembujt invers: të vizatohen bashkësi
me numër të ndryshëm elementesh dhe nxënësit të përcaktojnë nëse ka “më shumë”
ose “më pak” elementë pas krahasimit të tyre.
2- REALIZIMI I KUPTIMIT
Punohen problemat duke i lënë nxënësit të punojnë sipas nivelit të tyre: në mënyrë të
pavarur ose duke i ndihmuar në kuptimin e të dhënave ose plotësimin e tyre. Këto dy
orë janë mjaft të ngjeshura dhe do të shfrytëzohen të gjitha fazat e mësimit për të
arritur një të kuptuar të plotë të fjalorit të përdorur , zbatimit të njohurive të marra gjatë
ushtrimeve dhe përshtatjes së tyre në zgjidhjen e situatave problemore.
3-REFLEKTIMI
Edhe në këtë fazë do të vazhdojë puna me librin dhe mësuesja, duke njohur nivelin e të
gjithë nxënësve të klasës, do të shpërndajë ngarkesën sipas nevojave të tyre.
Detyrë shtëpie:
Do të punohet fleta e punës së mësimit.
Pas këtij mësimi do të zhvillohet punë e pavarur.
35