Matematika 2 - Media Print

Problema 6 është vetëm për nxënësit e talentuar në matematikë. Ajo kërkon vëmendje,
aftësi kuptimore, matematikore dhe një të kuptuar krijues e kritik për të arritur në
zgjidhjen e saj sipas kërkesave. Faza finale përmbyllet me dhënien e zgjidhjes së saj në
formë veprimesh të përmbledhura me operatorë.
3-REFLEKTIMI
Kjo fazë shfrytëzohet për të përmbushur nevojat e veçanta të nxënësve që nuk kanë
kuptuar gjatë zgjidhjes së problemave.
Detyrë shtëpie:
Mund të jepen problema të librit (që nuk janë zgjidhur në klasë) ose problema të
formuluara nga vetë mësuesja. Në këtë orë, domosdoshmërisht që duhen dhënë
problema të përshtatura sipas niveleve të nxënësve.
MËSIMI 3.8
Mënyra të ndryshme të mbledhjes
OBJEKTIVAT: Në fund të orës së mësimit nxënësi duhet të jetë i aftë:
Të emërtojë numrat si shumë.
Të gjejë shumat e dy mbledhorëve.
Të mbledhë sipas mënyrës së kërkuar.
KONCEPTET KRYESORE: Plotësim i 5, veçim i 5, mbledhorë të barabartë.
Zhvillimi i mësimit
1- EVOKIMI
Jepet kuptimi i fjalës plotëso duke dhënë shembuj me numra. P.sh: Plotëso 5 në
ushtrimin 4+3. Sa i duhen 4 për t’u bërë 5 Ku do ta marrë borxh Sa ngelet 3 kur i
marrim borxh Etj.
Jepet kuptimi i fjalës veço duke dhënë shembuj. P.sh: 6+3 veçojmë 5 nga 6 →
6+2→5+3 etj.
Jepet kuptimi i mbledhorëve të barabartë duke ndarë p.sh 4=2 + 2; 6=3+3; 8=4+4, etj.
2- REALIZIMI I KUPTIMIT
Hapet teksti. Jepen në tabelë ushtrime si të shembujve të librit që nxënësit të kenë të qartë
zgjidhjen e ushtrimeve sipas kërkesave të dhëna, duke i shoqëruar me punën me rrethorë.
3- REFLEKTIMI
Në këtë fazë bëhet kontrolli i dijeve të marra gjatë orës së mësimit. Do të punohet
ushtrimi 5, ndërsa ushtrimi 6 do të kthehet në barazime në fletore.
Detyrë shtëpie:
Do të punohet fleta e punës së mësimit.
Pas këtij mësimi do të zhvillohet punë e pavarur.
33