Matematika 2 - Media Print

3- REFLEKTIMI
Gjatë kësaj faze mund të ripërsëriten fakte të mbledhjes e të zbritjes deri në 5 me gojë
ose me shkrim. Mësuesja duhet të ngulmojë në përdorimin e termit operatorë duke
dhënë kërkesa të llojit:
Më paraqit me operatorë mbledhjen 3+2, etj.
Detyrë shtëpie:
Jepen fletë pune dhe detyra plotësuese për paraqitjen e numrave të ndryshëm si shumë
3 mbledhorësh.
PUNË E PAVARUR
Ushtrimi 1 synon të zbërthehen numërorët si shumë dy mbledhorësh në mënyra të
ndryshme që nxënësit të kuptojnë ndryshimet midis paraqitjeve të ndryshme të të njëjtit
numër.
Ushtrimi 2 synon të dallohen e të lidhen shumat e barabarta dhe të rishkruhen ato në
formë barazimesh.
Ushtrimi 3 synon të krahasohen shumat e ndryshme dhe të vendoset shenja e barazimit
ose e mosbarazimit.
Ushtrimi 4 synon të gjendet shenja që e kthen barazimin në të vërtetë.
Ushtrimi 5 është një situatë problemore e paraqitur si bashkësi e cila, në bazë të të
dhënave, do të kthehet në një problemë. Ky ushtrim është vetëm për nxënësit më të mirë.
28