Matematika 2 - Media Print

MËSIMI 2.4
Mosbarazimet. Operatori në veprime me numrat
OBJEKTIVAT: Në fund të orës së mësimit nxënësi duhet të jetë i aftë:
Të riprodhojë faktet e mbledhjes dhe të zbritjes brenda 5.
Të lidhë mbledhorët me veprimin e mbledhjes (e të zbritjes) në tabelat me operatorë.
Të planifikojë zbatime të këtyre veprimeve në situata problemore të jetës së
përditshme.
KONCEPTET KRYESORE: operatorë, numra njëshifrorë, ndryshesë, shumë,
mbledhorë, krahasim.
Zhvillimi i mësimit
1. EVOKIMI
Mësuesja zhvillon këtë veprimtari:
Për këtë mësim, veprimtaritë e zhvilluara në këtë fazë përmbledhin fakte të mbledhjes
apo të zbritjes brenda 5. Mund të përdoren forma të larmishme: me gojë, me shkrim,
situata problemore. Rikujtohet lidhja midis termave mbledhor + mbledhor = shumë.
Punohen tabela të tipit:
MBLEDHOR 2 4 1 2
MBLEDHOR 1
SHUMË 5 3 2
Në këto tabela është e rëndësishme të bëhet i zakonshëm nga nxënësit përdorimi i
termave mbledhor apo shumë. Ky moment do t’i përgatitë fëmijët për të krijuar bazat e
para të një fjalori aktiv matematikor. Pyetje të llojit:
- Çfarë është dhënë (SHUMA)
- Çfarë mungon (mbledhori)
- Si e gjejmë
I orientojnë nxënësit drejt një të menduari kritik dhe praktik.
2- REALIZIMI I KUPTIMIT
Hapet teksti. Ushtrimi 2 synon rikujtimin e punës me operatorët e mbledhjes e të
zbritjes. Në ushtrimin 3 duhet nënvizuar krahasimi i gjatësisë së shufrave që nxënësi të
dallojë madhësinë e numrit gjatë krahasimit edhe figurativisht (pra numri 5 që është më
i madh, ka më shumë kube se numri 4 që është më i vogël etj.).
Tabela e ushtrimit 5 duhet të kopjohet në fletore (barazimet e saj) që nxënësi të kuptojë
mënyrën e paraqitjes si barazim të këtyre ushtrimeve.
Problema 6 është një situatë problemore për nxënës të nivelit të përparuar. Ajo synon
që numri 5 të emërtohet si shumë 3 mbledhorësh.
27