Matematika 2 - Media Print

Zhvillimi i mësimit
1- EVOKIMI
Dhënia e vetive të ndryshme të shumëzimit (vetia e ndërrimit) dhe ajo e shumëzimit
me 1, duhet të mbështeten në anën kuptimore të fjalës (ndërrim = ndërrim vendesh për
faktorët) dhe shumëzimi me 1që jep vetë numrin që shumëzohet. Duhet të jepen shumë
shembuj.
2- REALIZIMI i KUPTIMIT
Mbështetet në punën me tekstin. Ushtrimet e dhëna janë të kuptueshme, por duhet
ndaluar në shpjegimin e veprimeve që kryhen. Gjithashtu situatat problemore kërkojnë
një punë të kujdesshme. Mësimi 18.5 e trajton gjerësisht këtë objektiv.
3-REFLEKTIMI
Gjatë kësaj faze duhet të përsëriten njohuritë e marra dhe faktet përmendësh të
shumëzimit deri në 100. Jo e gjithë klasa do të ketë një memorie të saktë për këto fakte,
por e rëndësishme është që çdo orë të shënojë arritje në këtë drejtim.
Detyrë shtëpie:
Punohet fleta e punës ose dhe ushtrime plus që mësuesja e gjykon të arsyeshme të japë
për nxënës të talentuar.
PUNA E PAVARUR që zhvillohet pas mësimit 18.5 përfshin shumë njohuri ku më të
rëndësishmet janë: shumëzimi duke përcaktuar mënyrën e kryerjes së tij; puna me
operatorë të shumëzimit; ekuacione dhe inekuacione si dhe situata problemore ku
krahas zgjidhjes me shumëzim do të jepet edhe zgjidhja me mbledhje të përsëritur.
134