Matematika 2 - Media Print

KAPITULLI 17
Në kapitullin e shtatëmbëdhjetë është përfshirë linja e numrit (kuptimi dhe veprimi me
numrin). Ky kapitull synon që nxënësit në fund të tij:
‣ Të lexojnë, të shkruajnë dhe të numërojnë numra natyrorë deri në 1000, duke
kuptuar lidhjen ndërmjet vendit të çdo shifre me vlerën e saj.
‣ Të përdorin kuptimin e numrit natyror për të krahasuar numrat natyrorë deri
në 1000.
Në fund të këtij kapitulli nxënësi duhet të jetë i aftë:
Niveli i ulët Niveli i mesëm Niveli i lartë
Të rishkruajë emërtimin e
numrit si shumë.
Të interpretojë numërorin e
plotë, si numëror të
zbërthyer.
Të përdorë mbledhjen për
të emërtuar ndryshe
numërorin e plotë, si të
zbërthyer, edhe anasjelltas.
Të vërë në dukje lidhjen
midis rendeve në paraqitjen
e numrit.
Të hartojë zgjidhje të
situatave të ndryshme
problemore nga jeta e
përditshme.
Të krahasojë vargjet rritëse
dhe ato zbritëse.
MËSIMI 17,1; 17.2; 17.3
NJ, DH, Q. Numëror i rregullt. Numëror me zero
OBJEKTIVAT: Në fund të orës së mësimit nxënësi duhet të jetë i aftë:
Të riprodhojë emërtime të numrave deri në 1000.
Të zbatojë njohuritë mbi rendet e numrave.
Të interpretojë numërorin e plotë si numëror të zbërthyer dhe anasjelltas.
Të përcaktojë rendet në numërorët e dhënë.
KONCEPTET KRYESORE: shufra, kube, pllaka, numra një, dy dhe treshifrorë, varg
numrash, numëror i zbërthyer, numëror i plotë, numërator.
Zhvillimi i mësimit
1- EVOKIMI
-Para se të kalohet në punën me librin, e gjithë veprimtaria e zhvilluar ka lidhje me
paraqitjen e vendosjes së numërorëve në numërator. Mësuesja duhet ta përqendrojë
punën e saj në dhënien e kuptimit të çdo rendi shoqëruar me anën kuptimore dhe
figurative në numra konkretë. P.sh: për numrin treshifror 234 tregohet që në këtë
130