Matematika 2 - Media Print

Mësuesja diskuton ushtrimet një për një, duke ngritur nxënës të ndryshëm në tabelë, të
cilët punojnë me mjete në secilin prej tyre. Të njëjtën gjë bëjnë edhe nxënësit e tjerë.
Disa prej tyre lexojnë barazimet nga libri ose tabela.
Në çdo rast mësuesja i nxit nxënësit që të korrigjojnë vetveten ose shokun.
*Nëse keni kohë në këtë pjesë të orës ju mund t`u jepni nxënësve detyra plotësuese si
p.sh:
1- Puno si ushtrimi 2, barazimet e ushtrimeve 4,5 në fletore.
Kontroll individual e vlerësim i punës.
3-REFLEKTIMI: minitest
U shpërndahen nxënësve fletët me një mbledhje dhe një zbritje shkurt në shtyllë, me
numra treshifrorë me dhjetëshe të plota të cilat nxënësit i zgjidhin brenda 5 minutash.
Detyrë shtëpie:
Si detyrë shtëpie mund të jepet një ushtrim nga teksti, ushtrime të ndryshme për çdo
nivel ose një nga ushtrimet e mësipërme.
MËSIMI 15.4; 15.5
Monedhat. Problema
OBJEKTIVAT: Në fund të orës së mësimit nxënësi duhet të jetë i aftë:
Të dallojë dhe të emërtojë monedhat dhe kartëmonedhat.
Të lidhë monedhat e duhura, për të formuar çmimin e mallrave.
Të zgjidhë situata të thjeshta, për të kryer këmbime monedhash e
kartëmonedhash.
KONCEPTET KRYESORE: mall, çmim, këmbim, monedha, kartëmonedha.
Zhvillimi i mësimit
1- EVOKIMI
Gjatë evokimit rikujtohen njohuritë mbi paratë, llojet e tyre, ndryshimi dhe të
përbashkëtat midis tyre. Mund të përcaktohen çmimet e sendeve shkollore që nxënësit i
kanë në klasë dhe të kërkohet prej tyre të “formojnë” çmimin e këtyre mallrave me
para të sjella në klasë.
2- REALIZIMI I KUPTIMIT
Mbështetet në punën me librin dhe zgjidhjen e situatave të dhëna. Për çdo zgjidhje do
të kërkohet argumentimi i saj. Gjithashtu mësuesja mund të shfrytëzojë gabimet që
bëjnë nxënësit në llogaritjen e çmimeve dhe të kërkojë që vetë nxënësit të gjejnë
zgjidhje duke ndihmuar shokët e tyre.
125