Matematika 2 - Media Print

numërorë të zbërthyer ose jo, formimi i numrave si shumë ose si ndryshesë dhe sidomos
vargjet e numrave në operatorë. Ushtrimi 3 është më i veçanti për mënyrën e trajtimit të
veprimeve me numrin, duke dhënë barazimin në një formë tërheqëse për nxënësin. Ky
ushtrim mund të jepet për detyrë shtëpie, duke i shkruar barazimet në fletore.
MËSIMI 15.3
Mbledhja dhe zbritja e numrave treshifrorë
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë shumën (ndryshesën) në mbledhjet (zbritjet) shkurt të numrave
treshifrorë (pa kaluar ose prishur 10.100) me dhjetëshe të plota .
Niveli mesatar:
Të përdorë zbërthimin e mbledhorit të dytë (zbritësit) për të mbledhur (zbritur)
numrat treshifrorë, me dhjetëshe të plota.
Niveli i lartë:
Të shpjegojë punën për zbërthimin e mbledhorit të dytë (zbritësit) për të
mbledhur (zbritur) numrat treshifrorë, me dhjetëshe të plota.
KONCEPTET KRYESORE: veprim, mbledhje pjesë- pjesë, zbritje pjesë- pjesë.
Zhvillimi i mësimit
1-EVOKIMI:
Mësuesja me mjete ose jo, në varësi të klasës, numëron deri në 1000, me dhjetëshe të plota
Nxënësit shkruajnë me shifra numrin që paraqitet e që shqiptohet dhe e zbërthejnë atë
sipas modelit:
70 = 70 + 0 ose 30 + 40 ose 60 + 10….120 = 100 + 20 ose 60 + 60 ose 90 + 30…etj.
Nxënës të ndryshëm (niveli i ulët e bën këtë me ndihmën e shokëve ose të mësueses në
tabelë).
2-REALIZIMI I KUPTIMIT: Mësimdhënie e ndërsjellë.
Hapet teksti. Njihen nxënësit me temën.
U tërhiqet vëmendja nxënësve te figura e tekstit. Kërkohet prej tyre që të tregojnë çfarë
shikojnë. Punohet me mjete në tabelë ose paraqitet një vizatim i zmadhuar i pamjes së
librit.
Këtë gjë mund të kërkoni që nxënësit ta bëjnë në dyshe më parë e më pas të vijoni si
më lart.
Më pas ata plotësojnë të pavarur ushtrimet e tekstit sipas radhës.
124