Matematika 2 - Media Print

Zhvillimi i mësimit
1- EVOKIMI
-Para se të kalohet në punën me librin, e gjithë veprimtaria e zhvilluar ka lidhje me
paraqitjen e kubeve, shufrave dhe dhënien e konceptit të pllakës dhe kubit të madh që
përfaqëson rendin e mijësheve. Mësuesja duhet ta përqendrojë punën e saj në dhënien e
kuptimit të çdo rendi shoqëruar me anën kuptimore dhe figurative në numra konkretë.
P.sh: për numrin treshifror 230, tregohet që në këtë numër NJËSHET përfaqësohen nga
numri 0 (zero), DHJETËSHET nga numri 3 dhe QINDËSHET nga numri 2. Të
ngulmohet në emërtimin e numrit në disa mënyra të cilat duhet të shprehen qartë nga
mësuesja, p.sh:
- Emërto si numëror të plotë 2Q + 4DH + 0NJ →240
- Emërto si numëror të zbërthyer numrin 570→5Q+7DH+0NJ ose 500+70+0. Nxënësit
nxiten të punojnë në grupe dyshe, për të kontrolluar dhe për të korrigjuar njëri-tjetrin.
Puna në tavolinë duhet të shoqërohet me paraqitjen e ushtrimeve në tabelë:
2 shufra+3 kube=23 kube ose 2 DH+3 NJ=20+3=23 etj.
2 pllaka+6shufra+0kube=2Q+6DH+0NJ=200+60+0 etj.
Mund të zhvillohen veprimtari edhe për vargjet e numrave, duke nisur nga brenda 10,
duke kaluar në vargjet brenda 100 (me dhjetëshe të plota), e më pas për të arritur tek
numri 1000.
2- REALIZIMI I KUPTIMIT
Në punën me librin me mjaft rëndësi janë ushtrimet që emërtojnë numërorët si të
zbërthyer ose të plotë dhe anasjelltas. Gjithashtu i tillë edhe dallimi i rendeve në
numërorë. Për çdo numëror të plotë mësuesja mund të kërkojë nga nxënësit që të
përcaktojë rendet në të. Faktet e mbledhjes e të zbritjes do të jenë më të lehta për t’u
kuptuar nëse lidhen me veprimet brenda dhjetëshes së parë.
3- REFLEKTIMI
Në këtë moment nxënësve mund t’u jepen ushtrime rikrijuese, për të kthyer paraqitjet e
shumës së numrave në forma të ndryshme:
100+30+0=130→ 1Q+3 DH+0NJ=130 ose 100+30+0=130→1 pllakë +3 shufra +0
kube =130 kube
Gjithashtu nxënësve mund t’u jepen vargje numrash në tabelë, për plotësim individual
ose në formë konkursi.
Për nxënës të talentuar mund të jepen ushtrime të një niveli më të lartë p.sh:
23 DH + 6 DH = fgfh DH = fgfh Q etj
Detyrë shtëpie:
Punohet fleta e punës së mësimit dhe mund të jepet edhe drejtshkrimi i numërorëve të
ndryshëm, duke pasur kujdes të vazhdueshëm ndaj një pune pa gabime gjuhësore.
PUNA E PAVARUR që do të zhvillohet pas mësimit 15.2, synon zbatimin e njohurive
të marra deri tani për numrat deri në 1000. Momenti më i rëndësishëm mbetet puna me
numëratorin: vendosja e numrave sipas rendeve përkatëse, emërtimi i numrave si
123