Matematika 2 - Media Print

3-REFLEKTIMI: Problem i ri
Sa nxënës ka rreshti yt Vizatoje atë.
Lihen nxënësit që të numërojnë e më pas ta paraqesin me vizatim, ku çdo rreth i takon
një nxënësi nga rreshti i tij.
Kontroll individual e vlerësim i punës së disa nxënësve.
Nxënësit që i punojnë ato në tabelë, u përgjigjen me gojë pyetjeve të mësueses për
veprimet që bëjnë dhe radhën e tyre .
Klasa korrigjon veprimet e shokut ose përgjigjet e tij.
Detyrë shtëpie:
Mund të jepen ushtrimet 3 dhe 4 me kërkesën: Paraqiti edhe me rrethorë (rreshtim).
MËSIMI 13.5
Ushtrime dhe problema
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë shumën në mbledhjet shkurt në shtyllë ose në rresht të dy numrave
dyshifrorë duke e kaluar dhjetën.
Niveli i mesëm:
Të përdorë zbërthimin si shumë të dy mbledhorëve, vetinë e ndërrimit e të
shoqërimit, për të gjetur shumën e dy numrave dyshifrorë, duke e kaluar
dhjetën, sipas një modeli që i jepet.
Niveli i lartë:
Të shpjegojë me gojë veprimet për të njehsuar shumën e dy numrave
dyshifrorë me kalim të dhjetës, duke përdorur zbërthimin si shumë të dy
mbledhorëve, vetinë e ndërrimit e të shoqërimit.
KONCEPTET KRYESORE: veprim, mjete, mbledhje, shumë, zbërthim, operatorë,
vetia e ndërrimit,vetia e shoqërimit.
Zhvillimi i mësimit
1--EVOKIMI: Shkrim i lirë
Shkruani sa më shumë barazime me mbledhje për numri 10.
U tërhiqet vëmendja nxënësve që të kujtojnë zbërthimin e tij.
Nxënësit shkruajnë për 4-5 minuta.
Lexohen ushtrimet me zë nga nxënës të ndryshëm.
103