Matematika 2 - Media Print

MËSIMI 13.4
Mbledhja e mbledhorëve të barabartë
OBJEKTIVAT E ARRITJES SIPAS NIVELEVE (O.A.N):
Në fund të orës së mësimit nxënësi do të jetë në gjendje:
Niveli i ulët:
Të vendosë shumën deri në 20 në mbledhjet shkurt të tre mbledhorëve të
barabartë, duke u ndihmuar edhe nga figura ose vizatimi i tyre.
Niveli i mesëm:
Të njehsojë shumën në mbledhjet shkurt të disa mbledhorëve të barabartë,
sipas një modeli që i jepet, për shuma deri në 100.
Niveli i lartë:
Të shpjegojë me gojë veprimet për të njehsuar shumën deri në 100 të disa
mbledhorëve të barabartë.
KONCEPTET KRYESORE: veprim, mjete, mbledhje, shumën, mbledhorë të barabartë.
Zhvillimi i mësimit
1-EVOKIMI: Stuhi mendimesh
Veprime me mjete për të gjetur shume me mbledhorë të barabartë deri në 20.
P.sh: 2 + 2 + 2 = 3 + 3 + 3 = 8 + 8 = 7 + 7+ 7 = ….etj
Nxënësit shkruajnë në fletore ose në tabelë (në varësi të kohës) barazimet e fituara nga
veprimet me mjete.
2-REALIZIMI I KUPTIMIT: Shpjegim dhe Mësimdhënie e ndërsjellë.
Hapet teksti. Njihen nxënësit me temën.
Plotësohet Ushtrimi 1dhe lexohen barazimet nga nxënësit.
U tërhiqet vëmendja nxënësve tek figura. Diskutojnë në dyshe. Pas 5 minutash
kërkohet që ata të përshkruajnë me hollësi çfarë shikojnë në të.
Më pas mësuesja (ose një nxënës i ndihmuar prej saj) zgjidh veprimet, duke i shpjeguar
ato me gojë dhe duke i demonstruar me mjete ose paraqitet një pamje e zmadhuar e
figurës së tekstit.
Punohet në mënyrë të pavarur teksti. Ushtrimet 2 - 5.
Më pas nxënësit diskutojnë veprimet në dyshe.
Nxënës të ndryshëm zgjidhin me radhë ushtrimet në tabelë, duke vizatuar edhe
rrethorët si rreshtimi tek ushtrimi 5 dhe problemën në f.q. 76 në tekst.
Punohen në mënyrë të pavarur ushtrime shtesë nga dërrasa me rreshtime:
4 + 4 + 4 + 4 + 4 = 6 + 6 + 6 + 6 + 6 = 9 + 9 + 9 =
Kontroll individual e vlerësim i punës.
102