Libër mësuesi - Erik Botime

Në nenin 1 të saj thuhet se të gjithë kanë të drejtë të marrin pjesë në jetën kulturore
dhe të njohin përgjegjësitë e tyre individuale dhe kolektive ndaj trashëgimisë
kulturore.
Në nenin 3 flitet për Trashëgiminë e përbashkët të Evropës në të cilën bëjnë
pjesë: gjithë format e Trashëgimisë Kulturore në Evropë që përbëjnë një burim të
përbashkët kujtimesh, kuptimesh dhe identiteti, krijimtari dhe ideale, parime e
vlera që vijojnë nga përvoja e mëparshme, qe promovojnë zhvillimin e një shoqërie
paqësore dhe të qëndrueshme, e bazuar mbi respektimin e të drejtave të njeriut, mbi
demokracinë dhe shtetin e së Drejtës.
Në pjesën e dytë flitet për kontributin e trashëgimisë kulturore në zhvillimin e
njeriut dhe shoqërisë. Ndërsa në pjesën e tretë flitet për përgjegjësitë në drejtim të
trashëgimisë kulturore dhe pjesëmarrjen e publikut.
Në pjesën e katërt flitet për kontrollin dhe bashkëpunimin midis shteteve anëtare
për ruajtjen e trashëgimisë kulturore nëpërmjet mekanizmit të monitorimit dhe
bashkëpunimit në veprimtaritë e kontrollit. Ndërsa në pjesën e pestë janë klauzolat
finale që kanë të bëjnë me firmosjen e kësaj konvente nga shtetet anëtare dhe më pas
aprovimi në Këshillin e Evropës.
TË DREJTAT DHE DETYRIMET E PALËVE
Neni 5
Rregulli i përgjithshëm në lidhje me të drejtat dhe detyrimet
1. Palët, në përputhje me Kartën e Kombeve të Bashkuara, parimet e së drejtës
ndërkombëtare dhe instrumente për të drejtat e njeriut të njohura në botë, pohojnë
sërish të drejtën e tyre sovrane për të formuluar dhe zbatuar politikat e tyre kulturore
dhe për të miratuar masat për të mbrojtur dhe zhvilluar larminë e shprehjeve
kulturore, si dhe për të forcuar bashkëpunimin ndërkombëtar për arritjen e qëllimeve
të kësaj Konvente.
2. Kur një palë zbaton politika dhe merr masa për të mbrojtur dhe zhvilluar
larminë e shprehjeve kulturore brenda territorit të saj, politikat dhe masat e saj do të
jenë në përputhje me dispozitat e kësaj Konvente.
Neni 6
Të drejtat e palëve në nivel kombëtar
1. Secila Palë, brenda kuadrit të politikave dhe masave të saj kulturore, sikurse
përkufizohen në nenin 4.6 dhe duke pasur parasysh rrethanat dhe nevojat e saj të
veçanta, mund të miratojë masat që synojnë mbrojtjen dhe zhvillimin e larmisë së
shprehjeve kulturore brenda territorit të saj.
2. Këto masa mund të përfshijnë sa më poshtë:
a) masat rregullatore që synojnë mbrojtjen dhe zhvillimin e larmisë së shprehjeve
kulturore;
b) masat që, në mënyrën e duhur, sigurojnë mundësi për veprimtari të mira dhe
38