Libër mësuesi - Erik Botime

Nxënësit tregojnë se ç’vend zë kjo muzikë në trashëgiminë tonë kulturore dhe
përshkruajnë karakteristikat e saj me vlerë unike.
Informacion i ri – Kllaster
Mësuesi e ndan klasën në grupe dyshe dhe u shpjegon të lexojnë tekstin, duke
vendosur shenjat në tabelën e mëposhtme:
(kontrollo) + (plus) - (minus) ? (pikëpyetje)
Nxënësit do të plotësojnë ndarjen e parë të tabelës me njohuritë që kanë për
Këngët e Kreshnikëve, tiparet dhe të veçantat e tij; në ndarjen e dytë do të vendosin
informacionin e ri që mësuan nga teksti; në ndarjen e tretë do të vendosin shënimet
për ato gjëra që dalin ndryshe në tekst nga ato që dinin; në ndarjen e fundit do të
shkruajnë pyetje ose kërkesa për sqarim të mëtejshëm.
Puna e kryer në grup: konsultohet me grupin, më pas dalin me një përfaqësues që
lexon punën e bërë. Këtu futet edhe mësuesi, i cili mund të japë informacionin e ri ose
të sqarojë konceptet e paqarta.
Kjo teknikë shmang monotoninë dhe pasivitetin e orës së mësimit.
Veprimtari praktike – recitim
Nxënësit më të mirë të klasës recitojnë në klasë pjesë nga “Këngët e Kreshnikëve”.
Më poshtë po japim dy nga pjesët më të bukura të “Këngëve të Kreshnikëve”:
“Vajtimi i Ajkunës” dhe “Fuqia e Mujit”.
Vajtimi i Ajkunës
Drita a dalë e dritë s’po ban,
ka le dielli e nuk po nxeh:
ça ka ba Gjeto Basho Muji;
Djalin n’dhe Muji e ka shti...
A dredhe Muji e në shpi ka shkue,
nana e djalit po e pyet;
- Mujo, djalin ç’ma ka gjetë?
N’Lugjet t’Verdha, a thue ka mbetë?
Qyqe vetëm rrugën paska marrë,
kanë zanë vend yjt’ vajin me e ndie!
Kur ka dalë ndër Lugjet t’Verdha,
atëherë nana hanën ka mallkue:
- T’u shkimtë (shoftë) drita ty, o mori hanë,
që s’ma çove atë natë nji fjalë,
n’Lugje t’Verdha, shpejt me dalë
bashkë me hy n’nji varr me djalë!
Kur ka shkue te varri i djalit,
ka pa ahin treqind vjeç,
ahi ishte rrema-rrema,
nji ma t’bukrin mbi varr po e shtin
Mire po pshtetet për degë t’ahit
pikon loti mbi varr të djalit
25