Libër mësuesi - Erik Botime

e) Sipërfaqja – Cilat janë karakteristikat pamore e të prekshme të teknikës së
përdorur (i qetë, i rregullt, e ndritshme, kompakte etj.).
f) Ngjyra – Vepra është njëngjyrëshe apo shumëngjyrëshe?
g) Çfarë ngjyrash mund të identifikojë (primare, sekondare, terciare, plotësuese)?
h) Mbizotërojnë tonet e nxehta apo të ftohta, të dobëta apo të forta?
i) A ka një ngjyrë që mbizotëron? Nëse po varet nga intensiteti i saj, apo nga
gjerësia e sipërfaqes së saj?
j) Si janë ngjyrat (të qarta, të ndritshme, të buta, të kundërta, të errëta, në harmoni)?
k) Subjekti është i errët në një sfond të lehtë apo e anasjella?
l) A krijon ngjyra një efekt të thellë?
3. Identifikimi i mesazhit
Pas kësaj analize të thellë, do të arrini të gjeni mesazhin.
a) Cila ka qenë ajo gjë që të ka tërhequr më shumë vëmendjen te vepra?
b) Cilat aspekte të përmbajtjes apo të formës të tregojnë origjinalitetin dhe
ndjeshmërinë e artistit (subjekti, ngjyra, kompozicioni...)?
c) Çfarë problemesh, idealesh e shpresash të kohës së tij dëshmon autori në këtë
vepër?
d) Piktori cilës rryme i përket?
- natyralist (e shfaqin realitetin ashtu siç ne e shohim);
- ekspresionist (shprehin ndjenja dhe situata shprehëse) ;
- simbolik (përdorin figura dhe ngjyra për të treguar vlera, ndjenja etj.).
- abstrakte (përdorin kodet pamore pa përfaqësuar realitetin).
4. Vlerat kulturore
- Pse kjo vepër është një nga kryeveprat e artit shqiptar?
- Çfarë përfaqëson ajo?
- Ç’vend zë ajo në trashëgiminë tonë kombëtare?
5. Komente personale
a) Çfarë emocionesh, ndjenjash ju ngjall kjo vepër?
b) Me çfarë mjetesh është pasuruar këndvështrimi juaj rreth një vepre arti?
c) Mesazhi i kësaj vepre a të sjell ndërmend ngjarje personale apo shoqërore të
rëndësishme për jetën tuaj?
Duke u nisur nga mesazhi që paraqet vepra, hidhini mendimet tuaj në fletore në
trajtën e një eseje ose të një poezie.
21