Libër mësuesi - Erik Botime

Hyrje
Libri që mbani në dorë i vjen në ndihmë të gjithë mësuesve që japin lëndën e “Trashëgimisë
kulturore”. Në të do të gjeni mësime model, të cilat mësuesi/mësuesja duhet t’i ketë parasysh,
por kjo nuk do të thotë që ne ia imponojmë atyre që të përdorin këtë apo atë metodë. Zgjedhja
e metodës që do të përdoret duhet të jetë në përshtatje me nivelin e nxënësve, përvojën edhe
aftësinë e mësuesve, të mjeteve didaktike e kushteve të tjera që ndihmojnë në realizimin e një
ore mësimore.
Një vend të veçantë në këtë libër zënë edhe materialet shtesë, që i vijnë në ndihmë të
mësuesit për të realizuar një orë mësimore sa më të frytshme në aspektin didaktik.
Kreu I. Trashëgimia natyrore dhe kulturore
Trashëgimia kulturore përfshin ndërtesat dhe vendet historike, monumentet,
amforat etj. Këtu hyjnë objektet më domethënëse të arkeologjisë, arkitekturës,
shkencës ose teknologjisë së kulturave të veçanta. Por edhe trashëgimia natyrore
është gjithashtu pjesë e rëndësishme e kulturës, ku përshihen flora dhe fauna, të
njohura shkencërisht si biodiversitet. Këto lloj trashëgimish shpesh shërbejnë si një
komponent i rëndësishëm në industrinë e turizmit të një vendi, mjaft tërheqës për
shumë vizitorë të jashtëm sa edhe për ata vendas. Në vitin 2008 janë shënuar nga
UNESCO 878 site të trashëgimisë botërore: 678 kulturore, 174 natyrore dhe 26 mikse,
në 145 vende. Secili prej këtyre është konsideruar i rëndësishëm për komunitetin
ndërkombëtar.
1.2 Parqet dhe monumentet natyrore shqiptare
Në përfundim të mësimit do të jeni të aftë:
- të përcaktoni rëndësinë dhe mënyrat e ruajtjes së parqeve dhe monumenteve
të natyrës;
- të tregoni se ç’është një park dhe një monument kulturor;
- të renditni disa nga parqet natyrore dhe monumentet më të rëndësishme në
Shqipëri.
13