2 - The Regional Environmental Center for Central and Eastern ...

Pasuritë natyrore
Kur flasim për pasuritë natyrore, flasim për gjëra, të cilat mund ti marrim nga mjedisi jetësor
dhe ti përdorim me qëllim të përmirësimit të jetës sonë. Disa nga këto pasuri natyrore,
siç janë energjia solare, ajri, uji i liqeneve dhe i lumenjve, bimët dhe shtazët, menjëherë na janë
në dispozicion për shfrytëzim. Pasuritë e tjera natyrore i kemi në dispozicion vetëm pas gërmimit
dhe përpunimit të tyre. Ato janë ujërat nëntokësore, karburantet natyrore, nafta, thëngjilli dhe
mineralet, siç është minerali i hekurit (e shfrytëzojmë për fitimin e çelikut).
Pasuritë natyrore mund të jenë të ripërtëritura dhe
të paripërtëritura. Pasuritë e ripërtëritura natyrore mund
të kompensohen vetë me kalimin e kohës. Ne mund
ta shfrytëzojmë fuqinë e erës që të krijojmë energji,
për arsye se erën nuk mund ta kemi vazhdimisht.
Pasuritë natyrore të paripërtëritura, nga ana tjetër, do të humbin
pasi ti kemi shfrytëzuar njëherë. Në tokë ka rezerva të mëdha
të naftës, por ato harxhohen. Njerëzit vazhdimisht kërkojnë
rezerva të reja të pasurive natyrore, por edhe ato një ditë gjithsesi
do të harxhohen.
Nëse ajri, uji, toka dhe diversiteti i botës së gjallë shfrytëzohen
në mënyrë të paarsyeshme, këto pasuri të ripërtëritura natyrore nuk do të mund përsëri
të ripërtëriten. Për këtë arsye, shoqëria moderne vendosi planin për shfrytëzimin e qëndrueshëm
të pasurive natyrore. Përdorimi i qëndrueshëm paraqet sasinë më të madhe të një pasurie
natyrore, e cila mund të përdoret për qëllimet tona dhe gjatë kësaj nuk e kërcënon ripërtëritjen
e saj natyrore. Shfrytëzimi i një pjese më të madhe të pasurive natyrore sjell deri te rënia
graduale e mjedisit jetësor.
89