2 - The Regional Environmental Center for Central and Eastern ...

Por, konsideroj se treguesi më i madh se paketa ndikoi edhe te aktorët kryesorë – nxënësit,
është dëshmia se ata kanë filluar të njihen dhe identifikohen me „Paketën e Gjelbër Junior“,
kështu që në çdo takim tonin u përpoqën të na tregojnë se sa ata ishin të zellshëm në plotësimin
e detyrave të dhëna.
Personalisht mendoj se shkollat nga komuna e Bosillovës e kishin këtë privilegj që ta ndjejnë
„Paketën e Gjelbër Junior“ në mënyrë të drejtë, se ajo inicon ndryshime pozitive në secilin
prej nesh dhe se sistemi arsimor është pasuruar me një mjet të mrekullueshëm dhe unik
që në mënyrë të konsiderueshme do ta lehtësojë dhe zbukurojë procesin arsimor“.
Liljana Shopova
Shoqata e qytetarëve „Qendra për Edukim dhe Zhvillim të Qëndrueshëm“, Komuna e Bosillovës
■ Të nderuar arsimtarë, pjesëmarrës, prindër
Të nderuar shfrytëzues të kësaj pakete,
Para jush është paketa multimediale „Paketa e Gjelbër Junior“ dedikuar për nxënësit e mësimit
klasor. „Junior“ është hartuar si një vazhdim i idesë për aplikimin e arsimimit për zhvillim
të qëndrueshëm në shkollat fillore të Maqedonisë, e cila filloi të realizohet me hartimin
e „Paketës së Gjelbër“, paketë multimediale për nxënësit e mësimit lëndor, të cilën tashmë
e keni në shkollat tuaja. Në këtë mënyrë me arsimimi për zhvillim të qëndrueshëm, të cilin
do ta marrin nxënësit përmes shfrytëzimit të materialeve në „Paketën e Gjelbër Junior,“
është bazë për pasurimin e mëtejshëm të njohurive në këtë fushë përmes shfrytëzimit
të „Paketës së Gjelbër“ deri në mbarimin e arsimit fillor të nxënësit.
Dhe, përderisa „Paketa e Gjelbër“ deri tani është hartuar në 18 vende nga Europa Qëndrore dhe
Lindore, „Paketa e Gjelbër Junior“ është paraniku ynë, për herë të parë e zhvilluar në Maqedoni,
dhe ju, arsimtarë dhe nxënës të dashur e keni këtë privilegj të parët ta shfrytëzoni. Ajo pastaj
do të jetë bazë, të cilën do ta shfrytëzojnë edhe vendet tjera, përcaktimi i të cilave është
të investojnë në arsimimin e fëmijëve dhe në qëndrueshmërinë e jetesës në Planetin Tokë.
U përpoqëm që të bëjmë një mjet mësimor interesant me shumë lojëra, tregime, kuize dhe
eksperimente që do ta tërheqin vëmendjen tuaj dhe do të jenë interesante për nxënësit.
Sinqerisht shpresojmë se arritëm sukses në qëllimet dhe përpjekjet tona. Do t’ju jemi shumë
mirënjohës nëse i ndani me ne mendimet dhe sugjerimet tuaja lidhur me këtë paketë.
U drejtojmë falënderim të sinqertë donatorëve tanë të Bashkëpunimit Austriak për Zhvillim
(ADC), përmes njësisë së tyre operative Agjencisë Austriake për Zhvillim (ADA). Mirëkuptimi
dhe besimi i tyre në atë që e punojmë na shoqëruan dhe inkurajuan gjatë muajve të punës
së lodhshme për hartimin edhe të „Paketës së Gjelbër“ edhe të „Paketës së Gjelbër Junior“.
Pa mbështetjen e tyre financiare „tregimi i gjelbër“ nuk do të ishte i mundur.
Gjithashtu, falënderim të veçantë i drejtojmë Ministrisë së Mjedisit Jetësor dhe Planifikimit
Hapësinor dhe Ministrisë së Arsimit dhe Shkencës të Republikës së Maqedonisë për
mbështetjen e tyre të sinqertë dhe për financim të përbashkët të projektit, si dhe Byrosë
për Zhvillim të Arsimit të Republikës së Maqedonisë, e cila bëri çmos me resurse njerëzore
të pazëvendësueshme në hartimin e dy paketave multimediale „Paketës së Gjelbër“ dhe
„Paketës së Gjelbër Junior“.
Ekipi i projektit „Paketa e Gjelbër Junior“
4