2 - The Regional Environmental Center for Central and Eastern ...

Mënyra e shëndoshë e jetesës
Përgatitja ditore: Menyja ime shtatëditore
Kohëzgjatja
Koha vjetore
Vendi
Materialet
Qëllimet
Metodat
Një javë
Të gjitha stinët
Në shtëpi dhe shkollë
Fletë pune „Menyja ime shtatëditore“
Nxënësit të:
• vënë në pah se çfarë ushqimi konsumojnë gjatë një jave
• bëjnë dallimin midis të dy llojeve të ushqimeve
• njihen me ushqimin e shëndetshëm dhe të ushqyerit e drejtë
Diskutim, punë praktike, metoda e përcjelljes, punë me të dhëna,
prezentim
Pjesa I: Menyja javore
1
Kopjojeni fletën e punës „Menyja ime shtatëditore“ dhe shpërndajauni nxënësve.
Thuajuni të shkruajnë se çka kanë ngrënë gjatë një jave. Pas një jave, nxënësit i sjellin fletët
e punës. Mësuesi kërkon vullnetarë që dëshirojnë të lexojnë se me çka janë ushqyer gjatë
javës së kaluar, ndërsa nxënësit e tjerë me kujdes të përcjellin dhe dëgjojnë me qëllim
që të mund të inkuadrohen në debat. Ata japin komentet e tyre për ate se cili nga
bashkënxënësit është ushqyer shëndetshëm.
2
Pas leximit të fletëve të punës, secili nxënës i pavarur duhet ti qaset analizës së mënyrës
së vet të të ushqyerit që është evidentuar në listë. Me marker të gjelbër ose me ngjyrë,
të rrumbullakohet ajo që i përket ushqimit të shëndetshëm, ndërsa me marker të kuq ose
ngjyrë ta fshijë atë që është ushqim jo i shëndetshëm. Pastaj, secili duhet ti numrojë fushat
e gjelbra dhe të kuqe dhe në këtë mënyrë vet ai të vlerësojë
se si ushqehet. Nxënësi, i cili ka më shumë fusha të gjelbra
mund të theksohet si shembull para nxënësve të tjerë.
3
Në të njejtën orë, mësuesi mund të ftojë edhe person
profesionist (pediatër, nutricionist dhe të ngjashëm).
Ky person mund të ndihmojë që më lehtë të dallohet
të ushqyerit e shëndetshëm dhe ai jo i shëndetshëm, ndërsa
gjatë kësaj edhe të japë këshilla dhe sqarime për nevojën dhe
rëndësinë e të ushqyerit të shëndetshëm si një nga parakushtet
themelore për rritje dhe zhvillim të drejtë dhe të shëndoshë.
Pjesa II: Loja — Çka duhet të ha?
1
Qëllimi i kësaj loje është që nxënësit të mësojnë dhe të kuptojnë nevojën e ngrënies
së ushqimit të llojllojshëm në sasi të mjaftueshme për zhvillim të rregullt dhe të shëndoshë.
Nevojiten dy fletë hamer, markerë, fotografi — pjesë të prera nga gazetat të ushqimit
të ndryshëm, selotejp, ngjitës.
2
Mësuesi i ngjet tri fletat e letrës në tabelë dhe i shënon:
• ushqim i shëndetshëm
• ushqim i shpejtë (jo i shëndetshëm)
3
Zhvillon bisedë me nxënësit për ushqimin dhe i përkujton në ndarjen e tij. I lut nxënësit
që t’i sjellin fotografitë e katedrës, e më pas i përzien mirë. Secili nxënës individualisht
tërheq nga një fotografi dhe vet e përcakton se në cilën fletë do të duhej të jetë e ngjitur.
Në fund, fletët e letrës mund të vendosen në këndin hulumtues në klasë.
126