2 - The Regional Environmental Center for Central and Eastern ...

Mënyra e shëndoshë e jetesës
Sporti Për mënyrën e shëndoshë të jetesës kontribuojnë
aktivitetet fizike dhe sportive. Është mirë që dita të fillojë
me gjimnastikë, por është me rëndësi që gjatë ditës të kryhen
edhe aktivitete të tjera fizike. Rekomandohet ecja, lëvizja,
dhe loja me moshatarët, në fusha sportive, duke e kaluar kohën
e lirë në shoqëri, ngarje të biçikletës ose rollerëve, loja me top,
symbyllasi, volejbolli, basketbolli, loja e ndjekjes etj.
Përkundër mënyrës së këtillë të jetesës, fëmijët gjithnjë e më
tepër ulen para kompjuterit ose para ekranit — TV. Ulja e gjatë
e në një vend shkakton deformime të ndryshme të trupit,
e më pas edhe dobësim të të pamurit., vetmi, largim(ftohtësi).
Higjiena Mënyra e shëndoshë e jetesës nënkupton edhe mbajtjen e higjienës rregullisht.
Higjiena paraqet mbajtjen e pastërtisë së trupit dhe
të hapësirës ku jetojmë, punojmë, mësojmë, shoqërohemi.
Higjiena personale paraqet mbajtjen e pastërtisë së gjithë trupit,
Larja dhe bërja dush të rregullt, si dhe larja e flokëve janë pjesë
të saj. Pjesë përbërëse e higjienës personale janë edhe veshja
e rrobave dhe mbathjeve të pastra dhe të lara. Të përkujtojmë
se larja e duarve para çdo vakti të ngrënies është e
detyrueshme, si dhe larja e dhëmbëve pas çdo vakti të ngrënies.
Hapësira, në të cilën qëndrojmë duhet të jetë e pastër
dhe rregullisht e ajrosur. Gjithashtu, duhet t’i mbajmë të pastër
edhe oborrin e shkollës, fushat e sportit dhe gjithë hapësirën
në rrethin tonë më të gjërë.
Krahas ushqimit të shëndetshëm, duhet të përmendet edhe higjiena e brendshme(mentale),
e cila nënkupton mendime të shëndosha dhe pozitive.
Pushimi Pas punës së lodhshme dhe të mundimshme,
çdo organizmi i nevojitet pushim. Për këtë rekomandohet që pas
çdo pune (fizike ose psikike), të pasojë pushimi. Gjithashtu është
shumë me rëndësi që gjatë javës të gjejmë kohë për shëtitje
në natyrë, miqësi, ngarje të biçikletës, rekreim, shoqërim me miq etj.
Kjo miqësi është pjesë e argëtimit. Çdo njeri e përjeton argëtimin
në mënyrë të veçantë, kështu që secili ka hobin e vet (të lexojë,
të udhëtojë, të mbledhë gjëra etj). Argëtimi i ndihmon njeriut që ta
plotësojë jetën me bukuri, lumturi dhe me momente të këndëshme.
Një pjesë e pushimit duhet të shfrytëzohet për leximin e librave.
Përzgjedhja e librit është në përgjithësi literatura, varësisht nga
interesi i secilit lexues. Për jetesë të shëndoshë, gjithashtu, organizmit i nevojitet edhe gjum
i shëndetshëm dhe i rehatshëm. Rekomandohet që gjumi të zgjasë rreth tetë orë.
Shoqërimi është pjesë përbërëse e jetesës së çdo njeriu.
Njeriu jeton i shoqëruar me familjen e vet, miqtë, fqinjët.
Dhe, gjatë punës së tij bashkëpunon me të tjerët dhe arrinë
suksese të mëdha. Por, edhe në segmente të tjera të jetës,
njeriu ka nevojë të jetë me njerëz të tjerë.
Krahas shoqërimit dhe bashkëjetesës me njerëz tjerë,
njeriu ka nevojë që të përkujdeset edhe për kafshët shtëpiake.
Kur një fëmijë ruan ndonjë kafshë shtëpiake, duhet të jetë
i vetëdijshëm se ai mban përgjegjësi për të, për të ushqyerit e tij,
higjienën, shëndetin etj. Gjatë kthimit, kafsha shtëpiake tregonë
afërsi, dashuri dhe besnikëri të madhe drejt atij që kujdeset për të.
124