2 - The Regional Environmental Center for Central and Eastern ...

Zhvillimi shoqëror dhe mjedisi jetësor
FLETË PUNE
Kush është më i forti?
Shumë kohë më parë Dielli dhe Era ishin miqtë më të ngushtë. Ata lunin të lumtur,
por gjithashtu, ishin edhe shumë krenarë. Njëherë ata u grindën se kush është më i forti
„Kur unë të filloj të fryej në pyll — tha Era — i lakoj drunjtë dhe i lëkundi gjethet e tyre.
Unë jam më i forti“.
„Kur unë ngrohi tokën — tha Dielli — e shkrij borën dhe e shndërroj ujin e liqeneve dhe
lumenjve në avull “.
Kështu ata gjatë ishin grindur, por asnjëri nuk dëshironte ta pranonte se tjetri është
më i fortë. Përnjëherë e vërejtën një njeri në fushë, i cili shpejtonte rrugës.
Njeriu mbante një xhaketë të lëkurës.
„Eja e ti masim fuqitë !“, vazhdoi Era. „Ai i cili do të arrijë që njeriut t’ia heqë pallton
nga trupi, ai është më i forti“.
„Ti e ke radhën!“, u pajtua Dielli.
Era e para e provoi fuqinë e vet. Iu gjuajt njeriut duke fryrë ashpër, duke u munduar që të
hyjë nën xhaketën e njeriut me qëllim që t’ia heqë atë. Njeriu e mbante xhaketën e tij fortë
rreth vetes, e përkulte kokën dhe vazhdonte të ecte nëpër fushë. Era fryu e fryu, por nuk
mundi që t’ia heqë njeriut xhaketën. Së shpejti era u lodh dhe hoqi dorë e turpëruar.
Pastaj i erdhi radha Diellit. Ai filloi të qeshë dhe i drejtoi rrezet e tij të nxehta mbi njeriun.
Njeriu kishte vazhduar të ecë derisa nuk ishte djersitë. Atëherë kishte fshirë ballin dhe
ngadalë e kishte zhveshur xhaketën e vet. E kishte hedhur mbi shpatull dhe kishte vazhduar
të ecë.
Kështu Dielli dhe Era e kishin përfunduar debatin e tyre. Era kuptoi se një buzëqeshje
e ngrohtë është më e fortë se çfarëdo fryme në botë.
E njejta gjë mund të ndodhë edhe në jetë: një buzëqeshje e ngrohtë dhe një fjalë
e këndshme mund të arrijnë më tepër se fuqia.
119