2 - The Regional Environmental Center for Central and Eastern ...

Zhvillimi shoqëror
dhe mjedisi jetësor
Të gjithë njerëzit janë pjesë e një shoqërie. Jeta e njerëzve në një shoqëri është e mundësuar
me në sërë kushtesh , siç janë: shtëpia, puna, argëtimi etj. Shumica e njerëzve janë të kënaqur
me mënyrën e jetës së tyre dhe me ate që kanë, por disa jo. Me qëllim që të mundësojnë kushte
më të mira për jetesë, njerëzit i shfrytëzojnë të mirat natyrore. Të gjitha aktivitetet e njeriut, siç janë:
prodhimi dhe konsumi, shfrytëzimi i minierave, pyjeve dhe ujërave, ndërtimi i ndërtesave të reja
në sipërfaqet e lira të gjelbëra dhe të tjera, kanë ndikim serioz ndaj mjedisit jetësor.
Që të jetohet në një shoqëri të qëndrueshme domethënë kërkohet baraspeshë midis
njerëzve dhe natyrës. Ne sot vetëm i shpenzojmë pasuritë natyrore. E shfrytëzojmë ujin
e pijshëm, ajrin, thëngjillin dhe drurin për ngrohje, sipërfaqe tokësore për rrugë etj., ndërsa nuk
kemi kontribuar për ripërtëritjen e drunjve, ujit të pastër ose ajrit të pastër. Njerëzit duhet
të kujdesen për qëndrueshmërinë e zhvillimit të vet natyrës, sepse ajo nuk mund më tepër
të japë lëndë të parë. Domethënë duhet të ndryshohet mënyra e deritanishme e jetesës
dhe të ndërtohet mënyrë e re e të menduarit për zhvillim të botës në kuadër të kufijve natyrorë.
Ndërtimi i shoqërisë së qëndrueshme është proces i gjatë, në të cilin çdo individ duhet
të kontribuojë me sjelljen dhe me veprimet e tij në drejtim të ruajtjes së të mirave në Tokë
dhe në botën e gjallë. Me këtë do të mundësohet që edhe ne dhe gjeneratat e ardhshme
të kemi kushte për jetë më të mirë dhe gjatë kësaj të ruhet natyra.
Jetesa e deritanishme shpesh shkakton katastrofa, mu për ate se nevojat e njeriut janë shumë
të mëdha, ndërsa natyra është e shterrur dhe e shkatërruar. Nuk guxojmë t’i shpenzojmë pasuritë
natyrore pa masë. Duhet të mendojmë edhe për gjeneratat e ardhshme që edhe ato ti kenë
kushtet e domosdoshme për jetë. Gjithashtu duhet të dimë se mjedisi në të cilin jetojmë i ka
kufijtë e vet, të cilët duhet ti respektojmë. Gjithë jeta në planetin Tokë zhvillohet brenda këtyre
kufijve. Të gjithë organizmat në planetin Tokë jetojnë në baraspeshë. Çdo prishje e baraspeshës
sjell deri te një varg katastrofash me ndikim të madh ndaj jetës së të gjithë organizmave.
Mbrojtja e natyrës është e domosdoshme për zhvillim, sepse ajo siguron pasuri natyrore,
ujë të pastër, energji, ajër dhe tokë. Zhvillimi i qëndrueshëm është zhvillim i shoqërisë
që mundëson përparim ekonomik, dhe mirëqenien e njerëzve e njëkohësisht mbrojtjen
e natyrës dhe botës së gjallë.
111