2 - The Regional Environmental Center for Central and Eastern ...

Konsumi dhe mbeturina
Nevojat e konsumuesit bashkëkohor vazhdimisht rriten, ndërsa njerëzit, me vetëdije ose jo,
vazhdimisht e rrisin llojin e prodhimeve dhe të shërbimeve, të cilat i përdorin. Në kushtet
e sotshme, ekzistojnë mundësi të pakufizuara për transportin e prodhimeve, gjë që mundëson
që llojet më të ndryshme të prodhimeve të vijnë nga vendet e largëta dhe të bëhen pjesë e jetës
së përditshme. Tregu konsumues është tepër i ngopur me reklama për prodhimet dhe
shërbimet e reja. Gradualisht dhe mezi i dukshëm, konsumi bëhet pjesë shumë e rëndësishme
e jetës së njerëzve, duke marrë pjesë të madhe të kohës së tyre dhe të mjeteve financiare.
Prodhimi dhe paraqitja e prodhimeve dhe shërbimeve të ndryshme në të kaluarën zgjaste
shumë dhe kërkonte shumë punë. Njerëzit ishin të vetëdijshëm për vështirësitë dhe shpenzimet,
të cilat i shoqëronin prodhimet, bartjen dhe shpërndarjen e prodhimeve. Në të kaluarën,
mënyra e jetës impononte ruajtjen dhe kujdesin për prodhimet, me qëllim që të mund t’i
përdorin sa më gjatë, për dallim nga tani.
Në kohën e sotme, më së shpeshti shfrytëzohen prodhime për një përdorim, gjë që kalon
në shprehi të keqe. Për këtë arsye shoqëria e tashme quhet shoqëri konsumuese.
Cilat janë pasojat nga rritja e konsumit?
• Rritja e konsumit të pasurive natyrore dhe energjisë. Për shembull, sasia e minierave
dhe mineraleve, të cilat shfrytëzohen nëpër botë dyfishohet çdo 15 vite.
• Është rritur lirimi i më shumë materieve, të cilat e ndotin ajrin, ujin dhe tokën në mjedisin
jetësor. Mbeturina nga amvisëritë dhe industria grumbullohet në deponi mbeturinash;
ujërat e ndotura të amvisërisë dhe industrisë derdhen në lumenj, liqene dhe dete,
ndërsa gazrat që dalin nga automjetet dhe gazrat industriale lëshohen në ajër.
Arsyeja kryesore për këtë është rritja e numrit të popullsisë. Për momentin vlerësohet
se popullsia në Tokë numëron mbi 6 miliardë njerëz. Në fillim të shekullit të 20 ajo mezi arrinte
2 miliardë, ndërsa në mesin e shekullit 21 pritet një popullsi prej 10 miliardë.
Të gjitha këto situata, paraqesin sfida serioze për zhvillimin e qëndrueshëm të shoqërisë
bashkëkohore. Është koha e fundit që njerëzit të fillojnë të mendojnë dhe të veprojnë duke
përdorur prodhimet dhe shërbimet me mençuri dhe vetëdije.
101