Create successful ePaper yourself
Turn your PDF publications into a flip-book with our unique Google optimized e-Paper software.
3<br />
-K o r ç a-<br />
mars <strong>2011</strong><br />
DEKLARATË PËR SHTYP<br />
Ditën e Mërkurë më 16 Shkurt, nje delegacion i kryesuar nga Ambasadori Norvegjez për<br />
Kosovën dhe Shqipërinë, Shkëlqesia e tij Z. Sverre Johan Kvale, si dhe Konsulli Austriak në<br />
Shqipëri z. Martin Kramer, vizituan qytetin kryesor të zonës së Projektit të DHP, Gramshin.<br />
Ata ishin të shoqëruar prej përfaqësuesve te Ministrisë së Jashtme Norvegjeze dhe Agjencisë<br />
Austriake për Zhvillim. Qëllimi i vizitës së delegacionit ishte të merrnin informacion mbi jetën<br />
sociale dhe nevojat e komunitetit të Luginës së Devollit. Delegacioni u mirëprit në Gramsh nga<br />
Kryetari i Bashkisë së qytetit, Z. Kastriot Zëra. Delegacioni vizitoi institucione të cilat janë<br />
thelbësore për përmirësimin në të ardhme të strukturave shoqërore, si shkollën Fillore “Asllan<br />
Shahini”, Qendrën për Rehabilitimin dhe Përfshirjen e qytetarëve me nevoja të veçanta në<br />
shoqëri, si dhe Pallatin e Sportit të qytetit të Gramshit. Z. Zëra deklaroi se, “ne vlerësojmë<br />
veçanërisht investimin e kompanive bashkë-aksionare EVN dhe Statkraft, përfaqësuese të<br />
Austrisë dhe Norvegjisë, nëpërmjet Devoll Hydropower Sh.A. Projekti i DHP-së është një<br />
mundësi për zhvillim ekonomik dhe shoqëror për qytetin e Gramshit, dhe do kontribuoj pozitivisht<br />
në shkëmbimin kulturor”. Pasdite u zhvillua Tryeza e Dytë Informuese per projektin me pjesëmarrjen e të ftuarve, Kryetarëve të Bashkive dhe Kryetarëve<br />
të Komunave respektive të zonës së projektit. Prezantimi i Projektit u organizua në Qendrën për Informimin e Publikut të DHP-së në Gramsh. Qendra<br />
shërben për informimin e publikut në lidhje me Projektin Hidroenergjitik të Devollit.Të ftuarit u prezantuan me aktivitetet e Fazës Para-Ndërtimore, si dhe<br />
u shfaq një film i animuar në tre dimensional mbi paraqitjen e ardhshme të Projektit Hidroenergjetik të Devollit. Duke shfrytëzuar këtë rast Ambasadori<br />
Norvegjez deklaroi: “Projekti Devoll Hydropoëer është një iniciativë shumë e rëndësishme për Norvegjinë dhe Austrinë. Të dyja kompanitë si EVN dhe<br />
Stakraft, janë kompani me shumë eksperiencë, dhe ne shprehim besimin e plotë se do bëjnë një punë të mrekullueshme, jo vetëm duke ndërtuar hidrocentralet,<br />
por edhe në drejtim të zhvillimit të komunitetit të Luginës së Devollit”. Znj. Annette Bull, përfaqësuese e Ministrisë së Jashtme Norvegjeze, Përgjegjëse e<br />
Zyrës për Shqipërinë deklaroi se kjo vizitë do ta ndihmojë atë për të prezantuar pranë Ministrisë së Jashtme Norvegjeze propozime për mbështetjen e<br />
zhvillimit në lidhje me nevojat e Shqipërisë dhe në mënyrë të veçantë për ato të komunitetit të Luginës së Devollit. Kompanitë Austriake kanë qenë të<br />
pranishme me investime të rëndësishme në Shqipëri në vitet e fundit. Konsulli Austriak deklaroi: “Si përfaqësues i Ambasadës Austriake në Shqipëri është<br />
e mrekullueshme të jesh dëshmitar i aktiviteteve të kompanive Austriake të cilat kanë investuar në Shqipëri. Projekti Hidroenergjitik i Devollit do të<br />
kontribuoj në imazhin pozitiv të Shqipërisë për kompani të tjera Austriake. Ne jemi krenarë të bashkëpunojmë me Norvegjinë në këtë projekt të rëndësishëm<br />
dhe do të sjellim eksperiencën shumëvjeçare mbi hidrocentralet në Shqipëri. DHP përpiqet të arrijë një ekuilibër ndërmjet ekonomisë, mjedisit dhe përmasave<br />
sociale te veprimtarive të saj. DHP është e vetëdijshme për përgjegjësitë e saj kundrejt komunitetit në zonën e<br />
projektit dhe ajo do te shkojë përtej veprimtarisë kryesore të saj të biznesit, ndërtimi i hidrocentraleve, për te<br />
mbrojtur ambientin dhe do të kontribuojë pozitivisht ne nivelin e jetesës së njerëzve qe jetojnë atje.<br />
VIOLA PUCI<br />
Menaxhere komunikimi DHP<br />
Ishte vetëm një krisje, një<br />
kuturisje dhe një harlisje<br />
dashurie dhe asgjë tjetër. Një<br />
krisje, kuturisje dhe harlisje<br />
në ato lëndinat ende të<br />
pazbuluara të zemrave tona,<br />
që ndonjëherë, dashur pa<br />
dashur, të çojnë në ndonjë<br />
ishull të pabanuar utopie.<br />
Kështu i ndodhi edhe Qamil<br />
Panaritit, atij djali që<br />
Themistokli Gërmenji e kish<br />
quajtur “luani i çështjes<br />
shqiptare, bukuria e lirisë<br />
shqiptare” dhe e kish bërë<br />
komandantin ushtarak të<br />
Republikës Autonome të<br />
Korçës.<br />
A ke shkuar ndonjëherë në<br />
Panarit të Korçës? Ke<br />
shkuar ndonjëherë aty tek<br />
faqja e thepisur e shkëmbit<br />
pasi kalon manat e përgjakur<br />
të Treskës sime? A je ndalur<br />
dhe ndoshta a ke shkuar në<br />
majë të shkëmbit, aty ku<br />
ekskluzivisht kanë foletë<br />
shqiponjat?<br />
Ke shkuar? Aq më mirë<br />
ateherë…Në atë mjedis<br />
ishte rritur Qamil Panariti.<br />
Që nga ai shkëmb kishte ikur<br />
për herë të fundit Iljaz bej<br />
Mirahori, themeluesi i<br />
Korçës......<br />
Fshati ynë Treskë-Trebickë<br />
me Panaritin nuk mban as<br />
gjysmë ore në këmbë. Por<br />
zakonet tona ndërojnë. Në<br />
fshatrat tona dashuria nuk ka<br />
qenë asnjëherë “mollë e<br />
ndaluar”, kështu që edhe<br />
fitoret në dashuri, edhe<br />
disfatat, edhe dështimet në<br />
betejat dashurore, janë parë<br />
si të gjitha luftërat, fitoret apo<br />
disfatat në përleshjen e<br />
madhe dhe të pafund të jetës.<br />
Por për komshinjtë dhe për<br />
miqtë tanë panaritas ka qenë<br />
krejt ndryshe. Ata janë natyra<br />
të heshtura, të mbyllura. A<br />
thua se dashurinë e mbajnë<br />
të mbyllur thellë në pusin e<br />
pazbuluar të zemrave të tyre<br />
dhe nuk e nxjerrin aty pikëpikë<br />
si vesa, po tërë jetën e<br />
ruajnë si një thesar të<br />
panjohur! Veç në raste të<br />
rralla kur shpërthen kjo<br />
dashuri i ngjan një vullkani të<br />
frikshëm me llavën që vrapon<br />
e llahtarisur dhe fatgremisur.<br />
Këtë histori ma ka treguar<br />
trimi i marrë Riza Kodheli,<br />
komandant i brigadës së<br />
njëzet, kur unë isha komandant<br />
i kësaj brigade. “Dhe<br />
dikush që e diti, asgjë nuk<br />
pëshpëriti në parajsë i vaftë<br />
shpirti”. Dhe si “dikush” nuk<br />
pëshpëriti kurrë. Si një burrë<br />
e mbajti të mbyllur këtë histori<br />
deri në buzë të varrit.<br />
Në brigadë kishim një vajzë<br />
të bukur nga Korça, Qybra<br />
Sokoli. Një peri…Sot do të<br />
ishte bërë një miss. U vra në<br />
Katjel, në prag të lirisë, dhe<br />
xha Rizai me trupin e saj<br />
ASAJ<br />
nëpër duar tha duke i mbyllur<br />
sytë: “Bija ime, kjo zemër nga<br />
plumbat është bërë gur. Por ti<br />
po më jep një plumb që nuk<br />
do ta harroj kurrë”.<br />
E pra, Rizai u përpoq ta<br />
mbronte nga plumbat dhe nga<br />
dashuria. Në brigadë kishim<br />
disa nga ata që vdesin kur<br />
dashurojnë. Dhe xha Rizai i<br />
kish frikë këto lloj dashurish,<br />
më frikë se të gjith plumbat<br />
së bashku.<br />
Mirë e kishte plaku i maleve<br />
të Korçës.<br />
Kur ne do të formonim<br />
batalionin partizan “Qamil<br />
Panariti”, xha Rizai na u afrua<br />
pranë dhe na tha:<br />
-Komisar, dua t’ju tregoj një<br />
histori që nuk mund ta mbaj<br />
për vete. Në buzë të varrit<br />
këtë histori ma ka treguar një<br />
miku im kaçak malesh, miku<br />
im Qamil Panariti dhe<br />
Themistokli Gërmenji nga<br />
Opari i Korçës.<br />
Po ta tregoj se ka të bëjë me<br />
Qamil Panarititn, emrin e të<br />
cilit po merr sot ky batalion<br />
partizan.<br />
Kur më 1917-n Themistokli<br />
Gërmenjin e morën dhe e<br />
pushkatuan, mikun e tij më të<br />
mirë, të bukurin e maleve, lisin<br />
e Panaritit, Qamil Panariti, e<br />
çuan në do Guajanën franceze,<br />
në një burg të sigurisë<br />
së lartë, bashkë më një<br />
luftëtar të hershëm të tij të<br />
luftës për liri.<br />
Oparaku që ishte me të në<br />
Guajanë na e ka treguar këtë<br />
histori:<br />
Qamil Panariti ishte miku më<br />
i mirë i Themistokli Gërmenjit.<br />
Themistokliu i dha një<br />
detyrë të lartë dhe të<br />
merituar. Qamili ishtë me<br />
shkollë, besnik dhe trim. Por<br />
Qamil Panariti mor komisar<br />
ra në dashuri me një zonjushë<br />
nga Korça, një e krishterë<br />
ortodokse. Duheshin, por<br />
familja e vajzës nuk pranoi.<br />
Me gjithë ndërhyrjen energjike<br />
të Themistokliut dhe<br />
Evdhoksi Gërmenjit pranë<br />
kësaj familjeje, asnjë dobi<br />
nuk pati. Zemra e djalit u<br />
thye, por nuk e humbi besimin<br />
tek dashuria. Kur e syrgjynosën<br />
në Guajanë, çdo javë,<br />
siç na tregoi miku im oparak,<br />
ai niste një letër drejtuar asaj.<br />
Por asnjë letër në fakt nuk<br />
nisej. Një tufë me letra dhe<br />
një vapor maket punuar me<br />
mjeshtëri nga Qamil Panariti,<br />
drejtor i burgut ia dha<br />
oparakut kur ai mbaroi<br />
dënimin pas pesë vjetësh.<br />
Ndërkohë Qamil Panariti,<br />
duke mos marrë asnjë<br />
përgjigje, vdiq i dëshpëruar në<br />
atë dhe të largët të huaj.<br />
Siç kishte lënë fjalë Qamil<br />
Panariti dhe siç e donte<br />
zakoni, oparaku kur arriti në<br />
Korçë shkoi në shtëpinë e<br />
asaj për të dorzuar pakon me<br />
letra. Zonjusha ishte bërë<br />
zonjë, ishte martuar me një<br />
tregëtar të njohur të Korçës.<br />
E priti vetëm për pesë<br />
minuta, në këmbë, pranë<br />
zjarrit. Ai i foli për mikun e tij<br />
që vdiq në Guajanën e largët<br />
franceze dhe i dorëzoi plikon<br />
me letra.<br />
Dhe zonja çfarë i kishte<br />
thënë?<br />
-Prit. A nuk folëm në fillim për<br />
ato lëndinat ende të panjohura<br />
të zemrave tona që<br />
ndonjëherë na çojnë në<br />
ndonjë ishull utopie të<br />
pabanuar? Kështu edhe<br />
zemra e asaj zonje kishte<br />
qëlluar një ishull i pabanuar.<br />
Ajo letrat i kishte hedhur në<br />
zjarr.<br />
Djali nga Opari çfarë kishte<br />
bërë?<br />
-E çfarë të bënte? Kishte<br />
qarë si fëmijë. Kishte qarë<br />
për herë të parë dhe të fundit<br />
në jetë.<br />
-Dhe?<br />
-Dhe zonja zemërgur i kishte<br />
thënë: “M’u beto se askujt<br />
nuk do t’ia tregosh këtë<br />
histori”. Ai ishte betuar dhe<br />
kishte dalë duke qarë.<br />
Këtë histori ia kishte<br />
treguar Riza Kodhelit<br />
vetëm kur ishte duke<br />
vdekur. Riza Kodheli ma<br />
tregoi mua kur përuronim<br />
batalionin partizan “Qamil<br />
Panariti” dhe unë po ta<br />
tregoj ty për ta botuar ty në<br />
librin tënd për Korçën. Ai<br />
që ma tregoi mua këtë<br />
histori besoj se e keni<br />
kuptuar se kush ishte. Misto<br />
Treska, përkthyesi i mahnitshëm<br />
i Hygoit, Balzakut dhe<br />
Aragonit. Ma tregoi këtë<br />
histori në vitin 1991, në<br />
kabinetin e tij të mbushur<br />
plot e përplot me libra. Kur<br />
u ndamë më dhuroi një libër<br />
të viteve ’30 të titulluat<br />
“Atlantida”.A thua se çdo<br />
histori dashurie është një<br />
Atlantidë e mbytur, e<br />
humbur?Ishte thjesht një<br />
krisje, një kuturisje dhe një<br />
harlisje dashurie.<br />
Varkën e ndërtuar ditët e<br />
fundit të jetës me mjeshtëri<br />
nga Qamil Panariti, sot<br />
kushdo mund ta shikojë në<br />
eksponantet e Muzeut<br />
Kombëtar në Tiranë. Duket<br />
se velat po fryhen drejt një<br />
udhëtimi të pafund. Drejt një<br />
ishulli të mistershëm e të<br />
habitshëm me emrin –<br />
përemër “Asaj”.<br />
DONIKA ANXHAKU<br />
ZENEL ANXHAKU