1 отворена постапка бр. 73 /2012 за доделување на ... - мепсо а.д.

2.4.2 Доколку економскиот оператор ја врши дејноста во период помал од три години, минимален услов
за утврдување на економската и финансиската состојба е економскиот оператор да ги остварил
вкупните приходи од потточка 2.4.1 во годините за кои постојат податоци.
2.4.3 Економскиот оператор го докажува исполнувањето на минималниот услов од потточка 2.4.1 или
2.4.2 со доставување на:
- Извештај за Билансот на состојба и податоци од Билансот на успех издаден од Централниот регистар
на Р. Македонија за последните три финансиски години за кои се расположливи ваквите информации
или во зависност од датумот на основањето на претпријатието или кога тоа започнало со работа, за
економските оператори регистрирани во Р. Македонија.
- Ревидиран биланс на состојба или извадоци од извештајот за билансот на состојба во случаи кога
објавувањето на билансот на состојба е пропишано со Законот во земјата каде што економскиот
оператор е регистриран.
2.4.4 Доколку билансите на состојба и успех биле предмет на комерцијална ревизија, економскиот
оператор може да ги достави истите како доказ дека го исполнува минималниот услов за утврдување
на економската и финансиската состојба без да бидат дополнително заверени од надлежен орган.
2.4.5 Доколку билансите на состојба и успех не биле предмет на комерцијална ревизија, економскиот
оператор ги доставува истите заверени, односно издадени од надлежен орган како доказ дека го
исполнува минималниот услов за утврдување на економската и финансиската состојба. Надлежен
орган во Р. Македонија е Централниот регистар на Република Македонија.
2.5 Техничка или професионална способност
2.5.1 За да се квалификува како способен за извршување на предметниот договор за јавна набавка од
аспект на неговата техничка или професионална способност, економскиот оператор треба да ги
исполнува следниве минимални услови:
За Дел I од предметот на јавната набавка
- Исполнување на барањата дадени во делот за технички спецификации за секоја опрема одделно,
- Цртежи за понудената опрема, каталози, важечки сертификати од типските испитувања на
понудениот тип на опрема (во согласност со најновите IEC стандарди),
- Понудувачот треба да достави Референтна листа од производителите на опрема и материјали во
последните пет (5) години за испорака на:
а) Al/Fe jаже - најмалку 50 тони од пресеците 240/40 , 360/57 или 490/65 мм2 (заедно) ,
б) Стапни изолатори - најмалку 5.000 парчиња,
в) Спојна овесна опрема (за 110 и 400 кV) - најмалку 5.000 парчиња,
г) Цевасти проводници (за 110 и 400 кV - сите пресеци) - најмалку 1.000 метри ,
д) Акумулаторски батерии - најмалку 30 батерии од понудениот тип,
ѓ) Исправувач - најмалку 30 исправувачи од понудениот тип,
е) Автоматска дојава на пожар - најмалку 10 системи од понудениот тип,
- Понудувачот треба да даде гаранција на целокупната опрема во времетраење од најмалку 18 месеци
од нејзината испорака или најмалку 12 месеци од нејзиното вградување, испитување и пуштање во
работа, што попрво ке истече.
- Да има изведено работи од ваков тип, во најмалку три (3) проекти за изградба, реконструкција или
изградба и пуштање во работа на високонапонски полиња на 110 кV разводни постројки или разводни
постројки со повисоко напонско ниво во последните пет (5) години (градежни и електромонтажни
работи),
- Да располага со потребна техничка опременост за извршување на предметот на договорот, и тоа
најмалку: две градежни дигалки за тешка метална конструкција, едно товарно возило кипер со кран,
еден голем компресор, една вибро жаба, еден пер-вибратор за бетон, приколка и една комбинирана
машина,
- Да располага со потребен технички персонал и технички органи за извршување на предметот на
договорот и тоа најмалку: еден дипломирани електро инженер со Овластување А за градба, еден
дипломиран машински инженер со Овластување А за градба и еден дипломиран градежен инженер со
Овластување А за градба.
- Да има Лиценца А за изведувач на градби од прва категорија за правното лице, согласно член 26,
став 1 од Законот за градење (пречистен текст) - Сл. весник на Р. Македонија бр.39/2012 од 22.03.2012.
/Лиценцата А за изведувач и Лиценцата Б за изведувач издадена пред влегување во сила на овој закон
продолжува да важи до истекот на рокот за кој е издадена и со истата ќе може да се врши изведување
на градби од прва категорија од членот 57 на овој закон, согласно член 175, став 3 од овој закон/;
- Понудувачот треба да е запознат со опасностите при работа во електро енергетска постројка и треба
да ги превземе сите потребни мерки за заштита согласно важечките закони, како и сите дополнителни
мерки кои ќе му бидат наложени од АД МЕПСО,
9