Kurrikula për degën profesionale artistike - Instituti i Zhvillimit te Arsimit

prioritet do t‟u jepet teknikave të apojandos, tirandos, si dhe 12 pozicioneve në kitarë (mbështetur
gjithmonë në materialet plotësuese teknike). Nxënësi duhet të jetë në gjendje që të arrijë një performancë
sa më të bukur si paraprijëse e provimit të diplomës.
Nxënësi merr pjesë në saxho mbasi ka kryer detyrimet e të dyja kontrolleve teknike. Në rast se
nxënësi është me raport mjekësor, do të shlyejë detyrimin në një datë tjetër të caktuar nga komisioni.
Në klasën e 12-të, nxënësi duhet të arrijë të deshifrojë vetë pa vështirësi gjithë programin e
zgjedhur nga mësuesi. Mësuesi duhet të punojë me nxënësin me pasazhet e veçanta (aty ku nxënësi shfaq
vështirësi). Prioritet të veçantë do t‟i jepet performancës artistike, në mënyrë që nxënësi të realizojë sa më
mirë programin e diplomës dhe të përgatitet për përballjen me publikun.
Në klasën e 12-të, nxënësi do të shlyejë vetëm 2 kontrolle teknike dhe saxhon e semestrit të parë.
Programi i provimit të diplomës në semestrin e dytë do të jetë programi i detyruar për konkursin
(caktuar nga katedra e Kitarës në Akademinë e Arteve). Ky program vlen për të gjithë ata nxënës
të cilët do të konkurrojnë në instrumentin e kitarës.
Për nxënësit, të cilët nuk do të marrin pjesë në konkurs, mësuesi do të zgjedhë një program tjetër
të përshtatshëm për provimin e diplomës.
Rekomandime për kontrollet teknike
Gjatë vitit shkollor zhvillohen 2 kontrolle teknike në çdo semestër (4 gjithsej).
Në çdo kontroll teknik luhen në mënyrë të detyruar 2 shkallë (mazhore-minore) me të gjitha
mënyrat, si dhe 2 etyde ose 1 kapriçio.
I gjithë programi luhet përmendsh.
Rekomandime për saxhot
Gjatë vitit shkollor zhvillohen 2 saxho (1 saxho në çdo semestër).
Në çdo saxho luhet në mënyrë të detyruar:
1-2 kohë suite Bach, Sanz etj. (paraklasikë).
1-2 kohë sonatinë ose sonatë (paraklasike ose klasike).
1 vepër ciklike, si: Temë me variacione ose koncert (klasike).
1-2 bravura (klasike, romantike, kontemporane).
I Gjithë programi luhet përmendsh.
4. VLERËSIMI
Vlerësimi i nxënësit në kontrollet teknike do të bëhet nga komisioni i përbërë nga të gjithë
mësuesit që kanë nxënës në klasën përkatëse (me jo më pak se 3 veta).
Vlerësimi do të jetë nga notat e vendosura për materialet që luan nxënësi.
Vlerësimi përfundimtar i nxënësit do të dalë si rezultat i mbledhjes dhe përpjesëtimit matematikor
të notave të vëna nga të gjithë anëtarët e komisionit.
Vlerësimi i nxënësit në saxhot semestrale do të bëhet nga komisioni i mësuesve të caktuar nga
drejtoria (me jo më pak se 3 veta).
I përfshirë në vlerësimet e komisionit do të jetë edhe vlerësimi i mësuesit përkatës të nxënësit.
Vlerësimet e nxënësve do të diskutohen nga anëtarët e komisionit.
Vlerësimi përfundimtar i nxënësit do të dalë si rezultat i mbledhjes dhe përpjesëtimit matematikor
të notave të vëna nga anëtarët e komisionit, plus notën e mësuesit të lëndës.
Nxënës/i,-ja arrin nivelin e ulët, kur luan jo korrekt:
me ritëm,
me tingull mesatar,
88