Kurrikula për degën profesionale artistike - Instituti i Zhvillimit te Arsimit

1 kohë të parë sonate klasike, ose romantike, ose kontemporane,
1 sonatë scarlatti,
1 vepër të huaj,
1 vepër shqiptare.
Klasa e 11-të është vazhdimësi e punës së nxënësit dhe mësuesit, për të rritur cilësinë
interpretative në të gjitha veprat që nxënësi do të studiojë dhe do të luajë. Gjatë këtij viti, nxënësi merr
njohuri më të plota nëpërmjet lëndëve formuese teorike, të cilat i japin mundësi të konceptojë më mirë e
më qartë, formën muzikore të veprës që do të ekzekutojë. Gjithashtu, nxënësi duhet të mësojë të njohë e
të dallojë lëvizjet harmonike në vepër, të cilat i japin mundësi të ekzekutojë me qartësi në stil.
Gjatë klasës së 12-të, nxënës/i,-ja duhet të luajë në 2 kontrolle teknike (1 në çdo semestër) dhe 2
saxho (1 në çdo semestër). Në çdo kontroll teknik, nxënësi do të luajë:
shkallë maxhore të plotë, si dhe përkatësen e saj.
2 etyde koncerti.
Gjatë vitit shkollor, nxënësi do të luajë:
2 vepra polifonike të zgjedhura sipas programit.
1 sonatë/koncert të plotë.
1 kohë të parë sonate/koncert klasik(e), ose romantik(e), ose kontemporane.
1 vepër të huaj.
1 vepër shqiptare.
Gjatë 3 viteve, nxënës/i,-ja merr njohuri më të plota nëpërmjet lëndëve formuese teorike, të cilat i
japin mundësi të konceptojë më mirë e më qartë formën muzikore të veprës që do të ekzekutojë.
Shënim. Për të qenë sa më afër origjinalitetit të veprës, rekomandohen partiturat që përmbajnë
shënimet origjinale të kompozitorit (Urtext), siç janë botimet Henle Verlag ose Schott-Wienner Urtext për
kompozitorët gjermanë dhe botimet Boosey & Hawkes ose Sikorski për kompozitorët rusë.
3. VLERËSIMI
Gjatë procesit mësimor, nota është kompetencë e mësuesit. Vlerësimi i nxënësit në kontroll
teknik dhe saxho bëhet nga komisioni i mësuesve të caktuar nga drejtoria e shkollës. Në saxho (e
kontrolle teknike) pjesëmarrja e mësuesve që kanë nxënës në klasën përkatëse, është e detyruar. Vlerësimi
do të bëhet nga nota 1 (një) deri në notën 10 (dhjetë). Vlerësimi me 4 (katër) nuk është kalues.
Në rastet kur nxënësi paraqet justifikim (për arsye të ndryshme), për të mos shlyer detyrimet
vjetore, merret vendim nga drejtoria e shkollës.
Nxënës/i,-ja arrin nivelin e ulët, kur luan jo korrekt:
me ritëm,
me tingull mesatar,
me intonacion jo të këndshëm,
me shkallë shpejtësie të ulët e
me disa gabime.
Nxënës/i,-ja arrin nivelin mesatar, kur luan mirë:
ritmikisht,
me tingull e me intonacion,
pastër e me pak gabime.
Nxënës/i,-ja arrin nivelin e lartë, kur:
luan shumë mirë në të gjitha elementet e mësipërme.
81