Kurrikula për degën profesionale artistike - Instituti i Zhvillimit te Arsimit

Borodin - “Vallet Polltave”
nga Opera “Princi Igor”.
Mendelhson - Koralet nga
“Ëndrra e një nate vere”
“Pylli”.
Tanjejev
- Johan Domaskin.
Kantatë (Numra).
“Nata”.
Çesmakov - “Zhurma e erës së
luleve”.
Kalinikov - “Elegjia”.
Ivanov - “Mëshirë paqeje”.
Shënim.
Ky repertor është i përzier (për kor vajzash, burrash dhe miks). Çdo pjesë korale mund të
përshtatet nga mësuesi, dirigjenti ose nga specialistë të tjerë për formacione të ndryshme, si
nga kor miks, në kor vajzash dhe anasjellas etj.
Mësuesi i lëndës korale, krahas punës praktike, zhvillon anën teorike të kësaj lënde. Kështu,
një temë mësimore mund të zgjasë 5-6 orë mësimore.
Gjithsej:
68 orë mësimore për çdo vit shkollor
3. UDHËZIME PËR ZBATIMIN E PROGRAMIT
Mësimi teoriko-praktik: Ngarkesa 68 orë të ndahet në dy semestra për nga 34 orë secila. Kjo
ngarkesë vlen për të gjitha klasat nga e 10-ta deri te klasa e 13-të.
Procesi mësimor zhvillohet dy herë në javë nga një orë për çdo mësim, për degën e kantos, ndërsa
për instrumentistë (pianist kryesisht) vetëm një herë në javë (dy orë). Mësuesi i lëndës korale, krahas
punës praktike, e zhvillon këtë lëndë edhe në teori.Procesi mësimor i kësaj lënde është i vlefshëm si për
nxënësit e degës të kantos, ashtu edhe për nxënësit e degës së instrumentistëve.
Në këtë lëndë, gjatë procesit mësimor nxënësit njihen me teorinë dhe praktikën më elementare të
zhvillimit të aparatit vokal, të përpunimit të tij, si dhe të zhvillimit të diapazonit, të artikulacionit,
mimikës, diksionit etj., në veçanti të frymëmarrjes, si një ndër elementet më kryesore të mënyrës së të
kënduarit në kor.
Gjithashtu, mësohen elementet muzikore dhe elementet e melodisë, si: motivi, fraza, fjalia, forma,
harmonia dhe interpretimi, elemente këto që luajnë një rol shumë të rëndësishëm jo vetëm te nxënësit e
degës së kantos, por edhe tek ata të instrumentistëve, pasi i pajis ata me sensibilitetin dhe mënyrën e
interpretimit që reflektohet edhe gjatë ushtrimit të tyre në instrument dhe aplikohet në shkollat muzikore,
konservatore apo akademitë më të zhvilluara në Europë dhe në botë.
Një rol tjetër i rëndësishëm për formimin e nxënësve nëpërmjet klasave korale luan edhe repertori
i zgjedhur. Për këtë arsye, repertori zgjidhet duke filluar nga veprat më të thjeshta e deri ato madhore nga
muzika paraklasike, klasike e moderne bashkëkohore dhe deri tek të gjitha llojet e stileve të ndryshme.
Gjithashtu, përveç veprave të kompozitorëve botërorë, këtu përdoren edhe vepra të kompozitorëve
kombëtarë, sidomos të përpunimit të këngës sonë popullore.
Ky repertor i klasës së interpretimit koral është i vendosur në shtojcën e programit mësimor, i cili
pasurohet për çdo vit sipas zhvillimit të muzikës.
62