Kurrikula për degën profesionale artistike - Instituti i Zhvillimit te Arsimit

3. UDHËZIME PËR ZBATIMIN E PROGRAMIT
Për zbatimin e këtij programi duhet fleksibilitet nga ana e mësuesit, duke punuar dhe demonstruar
me nxënësit e instrumenteve të ndryshme veçoritë timbrike të instrumenteve, si dhe përzgjedhjen e
detyrave më të mira për t‟u luajtur në grupe të vogla.
Kështu, nxënësit dëgjojnë konkretisht gërshetimin dhe bashkëtingëllimin e instrumenteve të
grupeve të veçanta për të krijuar një vizion sa më të qartë të materializimit të tingujve dhe timbrikave
orkestrale.
Ora e praktikës, që shoqëron çdo temë të re në lëndën e orkestracionit, e bën të lehtë njohjen e
nivelit të përgatitjeve të çdo nxënësi.
Rekomandime për përzgjedhjen e materialeve që do të orkestrojnë në klasë:
T. Harapi
“Valsi”.
“Një dhimbje e vogël”.
“Vallja e xhuxhave”.
P. Çajkovski: “Album për fëmijë”.
Tema kryesore të sonatave që luajnë vetë nxënësit.
Materiale të propozuara nga nxënësit.
4. VLERËSIMI
Nxënësit do të vlerësohen për:
Njohjen e të gjitha grupeve orkestrale dhe veçorive timbrike të tyre.
Përcaktimin e çelësave e instrumenteve me transport.
Përcaktimin e çelësave përkatës, si te viola, çello, korno etj.
Njohjen dhe transportet për instrumente, si klarineta e tromba,
Përcaktimin e timbrikës së veçantë të grupeve të ndryshme, gjë që pasqyrohet në detyrat e
paraqitura në orët e praktikës.
Njohjen e partiturave orkestrale.
Orkestrimin duke ruajtur balancat e tingëllimit për grupin e harqeve.
Orkestrimin për grupin e të drunjtave.
Orkestrimin e pjesëve të ndryshme për grupe e formacione orkestrale.
Orkestrimin për grupin e tunxhit, si dhe për gjithë formacionin orkestral.
57