Kurrikula për degën profesionale artistike - Instituti i Zhvillimit te Arsimit

Gj. 68 orë 34 orë
Shënim. Temat teorike bëhet në 2 orë mësimore teorike. Në orët praktike mësimore korrigjohen detyrat e
dhëna, të cilat përmbajnë ushtrime, skema harmonike në piano dhe analiza nga vepra muzikore.
3. UDHËZIME PËR ZBATIMIN E PROGRAMIT
Për arritjen e nivelit sa më optimal, nxënësi duhet të nxitet në sistematikën e tij në mënyrë
rigoroze. Puna e mësuesit duhet të jetë shumë kërkuese dhe e njëtrajtshme. Vëzhgimi psikologjik dhe
emocional i nxënësit përbën një nga detyrat me të vështira të mësuesit. Puna për të rritur administrimin
psikoemocional duhet të bëhet gjatë gjithë vitit, që të kemi rezultate sa më të larta. Administrimi i orës së
mësimit me intensitet dhe etapa të përcaktuara qartë do të rrisin shkallën e të nxënit e rendimentin e orës
së mësimit. Ndërthurja e kërkesave teoriko-praktike me ato artistike do të bëjë orën e mësimit të
pëlqyeshme për nxënësin. Puna e mësuesit në aspektin teorik dhe atë praktik me çdo nxënës duhet të
zhvillojë në mënyrë të drejtë e më të shpejtë nivelin e klasës. Mbi bazën e ecurisë së programit mësues/i,-
ja mund të avancojë në kërkesat e tij/saj lidhur me programin, gjithmonë duke iu përmbajtur atij.
Ushtrimet, skemat dhe analizat harmonike duhet t‟i përgjigjen nivelit që kërkon grupmosha dhe
niveli i shkollimit, po ashtu edhe programi artistik. Për këtë arsye, bëhet zbërthimi i programit nga çdo
mësues për çdo muaj dhe miratohet nga drejtuesi specialist i shkollës.
Një kërkesë tjetër në funksion të drejtpërdrejtë të rritjes së nivelit formues të nxënësve është dhe
kërkesa nga ana e mësuesit si një kriter bazë për nxënësin për pajisje me bazën e plotë materiale, si: libër,
fletore, laps dhe gomë.
4. VLERËSIMI
Nxënësit do të vlerësohen për:
1. Zgjidhjen e saktë të detyrave që jepen për çdo temë mësimore, të cilat janë:
- Harmonizime basi dhe melodie.
- Zgjidhje skemash harmonike që duhet të luhen dhe në piano.
- Analizë harmonike nga vepra të ndryshme muzikore nga autorë të ndryshëm të huaj dhe
shqiptarë.
2. Çdo fund semestri bëhet një testim me një përmbledhje të temave që janë shpjeguar gjatë vitit
mësimor.
30