Kurrikula për degën profesionale artistike - Instituti i Zhvillimit te Arsimit

1. QËLLIMET E ARSIMIT PROFESIONAL ARTISTIK, DEGA “MUZIKË”,
SHKOLLA E MESME ARTISTIKE, SISTEMI 3-4 VJEÇAR.
Qëllimi kryesor i arsimimit në këtë degë është zhvillimi i personalitetit të nxënësve për të
jetuar në përshtatje me botën që i rrethon dhe përgatitja e tyre artistike për arsimimin e
mëtejshëm dhe për t‟u përmirësuar në veprimtari të ndryshme që lidhen me muzikën. Për
të realizuar këtë, shkolla e mesme artistike dega muzikë u krijon nxënësve:
Mundësi të përshtatshme për të nxënë, pavarësisht nga gjinia, raca, besimi.
Mundësi për të zhvilluar kompetencat profesionale të bazuara në njohuritë, shprehitë,
qëndrimet dhe vlerat, të mjaftueshme për të lehtësuar përparimin drejt arsimimit të
mëtejshëm dhe punësimit.
Mbështetje për t‟u njohur me rregullat e ruajtjes së mjedisit dhe për t‟i zbatuar ato
me rreptësi.
Mbështetje për t‟u njohur me teknikat dhe metodat bashkëkohore dhe të
perspektivës që lidhen me kualifikimin artistik.
Mbështetje për të zhvilluar ndjenjën e disiplinës, kuriozitetin intelektual dhe
artistik.
Mbështetje për t‟u zhvilluar psikologjikisht dhe fizikisht, si dhe për të përballuar
vështirësitë që do të ndeshin gjatë veprimtarive të ardhshme artistike.
Mbështetje për të zhvilluar frymën e tolerancës dhe të mirëbesimit nëpërmjet
përvojës së punës vetëm dhe në grup.
2. PROFILI PROFESIONAL ARTISTIK I NXËNËSVE NË PËRFUNDIM TË
ARSIMIT NË DEGËN “MUZIKË”, SISTEMI 3-4 VJEÇAR.
i. Kërkesat e pranimit të nxënësve në arsimin profesional artistik, dega “Muzikë”.
Në shkollat e mesme artistike që ofrojnë arsimim në degën “Muzikë”, kanë të drejtë të
regjistrohen të gjithë të rinjtë që:
a. Kanë mbaruar arsimin e detyruar 9-vjeçar në shkollat e muzikës.
b. Kanë mbaruar arsimin e detyruar 9-vjeçar.
c. Janë të aftë fizikisht dhe mendërisht të përballojnë kërkesat e këtij niveli arsimor
profesional.
ii. Kompetenca të përgjithshme të nxënësit në përfundim të arsimimit në degën
“muzikë”, shkolla e mesme artistike.
Në përfundim të arsimit, dega “Muzikë”, sistemi 3-4 vjeçar, nxënësit do të zotërojnë këto
kompetenca kryesore:
Të komunikojnë në mënyrë korrekte me shkrim e me gojë për të shprehur mendimet
dhe ndjenjat e tyre, duke argumentuar opinionet për çështje të ndryshme profesionale
dhe artistike.
Të përdorin burime dhe teknika të ndryshme të mbledhjes dhe të shfrytëzimit të
informacioneve artistik, të nevojshme për zhvillimin e tyre personal dhe artistik.
Të nxisin potencialin e tyre të brendshëm në kërkim të vazhdueshëm për zgjidhje të
reja më efektive dhe më efiçente në fushën e artit dhe të muzikës.
Të angazhohen fizikisht, mendërisht dhe emocionalisht në kryerjen e detyrave të
ndryshme në kontekstin artistik, personal dhe shoqëror.
3